Abn logo
Apr 10 2020 @ 08:55AM

సౌదీలో క‌రోనా విజృంభణ.. ఒక్క‌రోజే 355 కొత్త కేసులు

రియాధ్‌: మ‌హ‌మ్మారి క‌రోనా వైర‌స్ ప్ర‌పంచ దేశాల‌ను గ‌డ‌గ‌డ‌లాడిస్తోంది. ప్ర‌స్తుతం 'కొవిడ్‌-19' కోర‌ల్లో చిక్కుకుని అగ్ర‌రాజ్యాలు సైతం చిగురుటాకులా వ‌ణికిపోతున్నాయి. గ‌ల్ఫ్‌లో కూడా ఈ మ‌హ‌మ్మారి రోజురోజుకీ త‌న ప్రాబ‌ల్యాన్ని పెంచుకుంటూ పోతోంది. ప్ర‌ధానంగా సౌదీ అరేబియా, ఖ‌తార్‌, యూఏఈలో దీని ప్ర‌భావం తీవ్రంగా ఉంది. తాజాగా సౌదీలో క‌రోనా విజృంభిస్తోంది. గురువారం ఒక్క‌రోజే 355 కొత్త కేసులు న‌మోదు కావ‌డం అక్క‌డ ఈ వైర‌స్ ఏ స్థాయిలో వ్యాప్తి చెందుతుందో తెలియ‌జేస్తోంది. ఈ 335 కొత్త కేసుల‌తో క‌లిపి సౌదీలో క‌రోనా బాధితుల సంఖ్య 3,287కి చేరింద‌ని ఆ దేశ ఆరోగ్య మంత్రిత్వ శాఖ వెల్ల‌డించింది. అలాగే ముగ్గురు మ‌ర‌ణించారు. దీంతో కొవిడ్-19 బారిన ప‌డి చ‌నిపోయిన వారి సంఖ్య 44 అయింది. మ‌రోవైపు 35 మంది క‌రోనా బాధితులు కోలుకుని వివిధ ఆస్ప‌త్రుల నుంచి డిశ్చార్జ్ అయ్యార‌ని, దీంతో కోలుకున్న వారి సంఖ్య 666కి చేరింద‌ని ఆరోగ్య‌శాఖ అధికారులు తెలిపారు. 

Advertisement

తాజా వార్తలుమరిన్ని...

Advertisement
Advertisement