Visa: సౌదీ అరేబియా మరో కీలక నిర్ణయం.. ఇకపై ఒకే ప్లాట్‌ఫారమ్‌పై అన్ని వీసాలు

ABN , First Publish Date - 2022-05-19T13:06:15+05:30 IST

వీసాల విషయమై సౌదీ అరేబియా తాజాగా మరో కీలక నిర్ణయం తీసుకుంది.

Visa: సౌదీ అరేబియా మరో కీలక నిర్ణయం.. ఇకపై ఒకే ప్లాట్‌ఫారమ్‌పై అన్ని వీసాలు

రియాద్: వీసాల విషయమై సౌదీ అరేబియా తాజాగా మరో కీలక నిర్ణయం తీసుకుంది. విదేశీ వ్యవహారాల మంత్రిత్వశాఖ ఆధ్వర్యంలోని ఆన్‌లైన్ వీసా ప్లాట్‌ఫారమ్ ఇకపై యూనిఫైడ్ నేషనల్ ప్లాట్‌ఫారమ్‌గా (Unified National Platform) మారనుంది. ఈ మేరకు సౌదీ కేబినెట్ ఆమోదించింది. మానవ వనరులు, సామాజిక అభివృద్ధి మంత్రిత్వశాఖ ఈ ప్లాట్‌ఫారమ్ బాధ్యతలు పర్యవేక్షిస్తాయని ఈ సందర్భంగా సంబంధిత అధికారులు వెల్లడించారు. సహజ లేదా చట్టపరమైన వ్యక్తులు సమర్పించిన వీసా దరఖాస్తులను యూనిఫైడ్ నేషనల్ ప్లాట్‌ఫారమ్ పరిశీలించనుంది. అన్ని వర్క్ వీసా దరఖాస్తులను యూనిఫైడ్ నేషనల్ ప్లాట్‌ఫారమ్ ద్వారానే పంపాలని విదేశీ వ్యవహారాల మంత్రిత్వ శాఖ పేర్కొంది. Unified National Platform రిటర్న్ వీసాను పొడిగించే అభ్యర్థనను కూడా అనుమతిస్తుంది. ఇది ఒక పౌరుడు ప్రాయోజిత వీసా గడువు ముగిసిన తన వారి కోసం రిటర్న్ గడువు పొడిగింపును అభ్యర్థించడానికి అనుమతించే సర్వీస్.  

Updated Date - 2022-05-19T13:06:15+05:30 IST