శనిగ్రహంపై వేడి మిస్టరీ వీడింది!!

హూస్టన్‌ (అమెరికా), ఏప్రిల్‌ 7: సూర్యుడి నుంచి దూరంగా ఉన్నందున శనిగ్రహం చాలా చల్లగా ఉంటుంది. ఒక్కోసారి మాత్రం వేడి పెరిగిపోయి 57 డిగ్రీల సెల్సీయస్‌ గరిష్ఠ ఉష్ణోగ్రత నమోదవుతుంటుంది. ఈ మిస్టరీని అమెరికాలోని అరిజోనా వర్సిటీ శాస్త్రవేత్తలు ఛేదించేందుకు యత్నించారు. ‘కేసిని’  వ్యోమనౌక 13ఏళ్ల పరిశీలనపై అధ్యయనం ద్వారా, శనిగ్రహం ఎగువన ఉండే వలయాల్లోని విద్యుత్‌ ప్రవాహాలకు సూర్యుడి నుంచి వెలువడే సౌర పవనాల మధ్య చర్య జరుగుతుందని, ఇదే సమయంలో దాని ఉపగ్రహాల్లోని కణాలు కూడా వేడెక్కుతాయని గుర్తించారు. ఫలితంగా శనిగ్రహం ఉపరితల వాతావరణం వేడెక్కుతోందని వెల్లడించారు.