సమంత టెర్రస్ తోటలో...
ABN , First Publish Date - 2020-05-31T05:30:00+05:30 IST
పాలకూర సాగును పల్లెటూళ్లలో తప్ప పట్నంలో పెద్ద పెద్ద అపార్ట్మెంట్స్లో చేయలేమా? చేయవచ్చని చేసి మరీ చూపించారు సమంత. గోంగూర తోట వేయడానికి ఎంత స్థలం కావాలి? ఏమంత పెద్ద స్థలం అవసరం లేదనీ...
పాలకూర సాగును పల్లెటూళ్లలో తప్ప పట్నంలో పెద్ద పెద్ద అపార్ట్మెంట్స్లో చేయలేమా? చేయవచ్చని చేసి మరీ చూపించారు సమంత. గోంగూర తోట వేయడానికి ఎంత స్థలం కావాలి? ఏమంత పెద్ద స్థలం అవసరం లేదనీ, టెర్ర్సలో చిన్న స్పేస్ ఉంటే చాలనీ ఆమె నిరూపించారు ఇప్పుడు. సామ్ రూఫ్ టాప్ గార్డెనింగ్ చేస్తున్నారు. ఇంట్లో ఆకుకూరలు, కాయగూరలు పండిస్తున్నారు.
తాజాగా తోటలో కోసిన వాటితో వంట చేసుకుంటున్నారు. అక్కినేని నాగచైతన్య, సమంత దంపతులు హైదరాబాద్లోని ఓ అపార్ట్మెంట్లో టెర్రస్ ఫ్లాట్లో ఉంటున్నారు. తమ నివాసంలో ‘అర్బన్ కిసాన్’ సహకారంతో సాగుబడి ప్రారంభించారు. ఇంట్లో మనకు అవసరమైన ఆకుకూరలు, కాయగూరలు పండిచడం బావుందనీ, తనకు ఇది అలవాటుగా మారిందనీ, ఈ పనిని ప్రేమిస్తున్నాననీ సమంత తెలిపారు. పెరట్లో పెంచిన గోంగూరతో పచ్చడి కూడా చేశారట!