ఆ దేశం వాళ్లను రానిచ్చే ప్రసక్తే లేదని తేల్చి చెప్పిన రష్యా

మాస్కో: రష్యాలో కరోనా(కొవిడ్-19) వైరస్ వ్యాప్తిని నివారించేందుకు ఆ దేశ ప్రభుత్వం కీలక నిర్ణయం తీసుకుంది. ఈ నెల 20 నుంచి రష్యాలోకి చైనీయుల రాకను నిషేధించింది. చైనాతో దాదాపు 4,250 కిలోమీటలర్ల సరిహద్దును పంచుకుంటున్న  రష్యా.. కరోనా వైరస్ విజృంభించడంతో ఇప్పటికే సరిహద్దును మూసేసింది. తాజాగా.. ఫిబ్రవరి 20 నుంచి చైనీయులను తమ దేశంలోకి అనుమతించబోమని రష్యా ఉప ప్రధాని ప్రకటించారు. చైనా నుంచి రష్యా వెళ్లిన ఇద్దరు మహిళలకు కరోనా వైరస్ లక్షణాలు కనిపించడంతో వారికి మెరుగైన చికిత్స అందించారు. ఇప్పుడు వారు పూర్తిగా కోలుకుని హాస్పిటల్ నుంచి డిశ్చార్జీ అయ్యారు. ఈ రెండు కేసులు మినహా.. మరో కరోనా వైరస్ కేసు రష్యాలో నమోదు కాలేదు. ఈ నేపథ్యంలో చైనీయుల రాకను రష్యా నిషేధించింది. కాగా.. ఈ వైరస్ బారినపడి చైనాలో దాదాపు 2వేల మంది మరణించిన విషయం తెలిసిందే.