సైనిక సామాగ్రిని పంపించండి... చైనాను కోరిన రష్యా

మాస్కో: ఉక్రెయిన్ దేశంపై దండయాత్ర చేసిన తర్వాత తమకు సైనిక సామాగ్రిని పంపించాలని రష్యా చైనా దేశాన్ని కోరింది. ఉక్రెయిన్ దేశంపై దాడులు చేస్తున్న రష్యా చైనా దేశాన్ని సైనిక సామాగ్రిని పంపించమని కోరినట్లు అమెరికా అధికారులు వెల్లడించారు. రష్యా చైనా ఆయుధ సహకారం కోరిన నేపథ్యంలో అమెరికా జాతీయ భద్రతా సలహాదారు జేక్ సుల్లివన్ సోమవారం రోమ్‌లో చైనా అగ్ర దౌత్యవేత్త యాంగ్ జీచితో సమావేశమవుతారని వైట్ హౌస్ తెలిపింది. ఉక్రెయిన్ దేశంపై రష్యా దండయాత్రను చైనా ఖండించలేదు. రష్యా దాడిని దండయాత్ర అని పిలవక పోగా, చర్చల ద్వారా సమస్యను పరిష్కరించుకోవాలని చైనా కోరింది.రష్యా ఏ రకమైన ఆయుధాలను అభ్యర్థించిందో, దీనిపై చైనా ఎలా స్పందించిందో యూఎస్ అధికారులు పేర్కొనలేదు.