Abn logo
Sep 28 2020 @ 23:37PM

రష్యాలో ఒకేరోజు 8 వేలకు పైగా కరోనా కేసులు

Kaakateeya

మాస్కో: రష్యాను కరోనా మహమ్మారి వణికిస్తూనే ఉంది. గడిచిన 24 గంటల్లో రష్యా వ్యాప్తంగా 8,135 కరోనా కేసులు నమోదైనట్టు అక్కడి రెస్పాన్స్ సెంటర్ వెల్లడించింది. కొత్తగా నమోదైన కేసులతో మొత్తం కేసుల సంఖ్య 11,59,573కు చేరుకుంది. కొత్తగా బయటపడిన కేసుల్లో 2,200 మందిలో ఎటువంటి కరోనా లక్షణాలు కనిపించలేదని రెస్పాన్స్ సెంటర్ పేర్కొంది. రష్యాలో నిత్యం అత్యధిక కరోనా కేసులు రాజధాని మాస్కో నుంచే వెలుగు చూస్తున్న విషయం తెలిసిందే. మరోపక్క గడిచిన 24 గంటల్లో రష్యా వ్యాప్తంగా కరోనా బారిన పడి 61 మంది మృత్యువాతపడ్డారు. దీంతో మొత్తం మరణాల సంఖ్య 20,385కు చేరింది. ఇక ఒకేరోజు 2,702 మంది కరోనా నుంచి పూర్తిగా కోలుకోగా.. ఈ సంఖ్య 9,45,920గా ఉంది. కాగా.. ప్రపంచవ్యాప్తంగా అత్యధిక కరోనా కేసులు నమోదైన దేశాల జాబితాలో రష్యా నాలుగో స్థానంలో ఉంది. మొదటి మూడు స్థానాల్లో అమెరికా, భారత్, బ్రెజిల్ దేశాలున్నాయి. 

Advertisement
Advertisement