‘రాూాయి’ తగ్గినా...

ముంబై : దూసుకుపోతున్న ప్రపంచమాంద్యం, అసాధారణమైన ద్రవ్యోల్బణం,  బలపడుతున్న US డాలర్ కారణంగా... ప్రపంచవ్యాప్తంగా సెంట్రల్ బ్యాంకులు తమ కరెన్సీలు ఎక్కువగా పడిపోకుండా ఫారెక్స్ నిల్వలను ఉపయోగించాల్సి  వచ్చింది. RBI(రిజర్వ్ బ్యాంక్ ఆఫ్ ఇండియా) ఇప్పటివరకు రూపాయిని స్థిరంగా ఉంచడంలో ‘అసాధారణమైన’ చర్యలు తీసుకున్నట్లు నిపుణులు చెబుతున్నారు. ఈ వారంలోనే, రూపాయి 30 పైసలకు పైగా క్షీణతను చూడడం ద్వారా... ‘రికార్డు కనిష్టం’ను తాకింది. అది కూడా భారతీయ మార్కెట్లను బేర్ జోన్‌లోకి తీసుకోలేదు. కాగా... నిపుణులు చెబుతున్న ప్రకారం... ఇండోనేషియా, బ్రెజిల్ వంటి దేశాలతో పోలిస్తే భారతీయ మార్కెట్లు సాపేక్షంగా బలంగా ఉన్నాయి. విదేశీ పెట్టుబడిదారులు భారతదేశం నుండి రికార్డు స్థాయిలో డబ్బును ఉపసంహరించుకోవడం కొనసాగించినప్పటికీ దేశీయ పెట్టుబడిదారుల బలమైన కొనుగోళ్ల కారణంగా పరిస్థితి కొంత సానుకూలంగా ఉందన్న వ్యాఖ్యానాలు ఈ సందర్భంగా వినవస్తున్నాయి.