ఒక్కో గోనె సంచికి రూ.20

రేషన్‌ డీలర్ల నుంచి కొనుగోలు.. పౌరసరఫరాల శాఖ ఆదేశం 

అమరావతి, మే 13 (ఆంధ్రజ్యోతి): రేషన్‌ సరఫరాకు వినియోగించిన గోనె సంచులను మళ్లీ వాడుకునేందుకు ప్రభుత్వం చర్యలు తీసుకుంటోంది. ఒక్కో సంచికి రూ.20 ఽచొప్పున చెల్లించి, డీలర్ల నుంచి వెనక్కి తీసుకోవాలని పౌరసరఫరాల శాఖ అధికారులను ఆదేశించింది. ప్రస్తుతం సంచికి రూ.16 ఇస్తుండగా, ఆ ధరకు తిరిగి ఇచ్చేందుకు డీలర్లు సుముఖత చూప డం లేదు. ధాన్యం సేకరణకు ఇబ్బంది కావడంతో ఒక్కో సంచికి రూ.4  పెంచి కొనుగోలు చేయాలని ఆ శాఖ ఆదేశాలు జారీ చేసింది. ఈ నిర్ణయం వల్ల డీలర్ల నుంచి అవసరాలకు తగినట్టు గోనె సంచులను సేకరించుకోవచ్చని భావిస్తోంది. ప్రస్తుత రబీ, వచ్చే ఖరీఫ్‌ సీజన్లలో ధాన్యం సేకరణకు సరిపడ సంచులు అందుబాటులో ఉంచుకోవాలని అధికారులకు స్పష్టం చేసింది.