Chitrajyothy Logo
Advertisement
Published: Thu, 25 Nov 2021 07:45:38 IST

RRR: దుబాయ్‌లో ప్రీ రిలీజ్ ఈవెంట్ లేనట్లేనా..?

twitter-iconwatsapp-iconfb-icon

దర్శకధీరుడు రాజమౌళి ఎంతో ప్రతిష్ఠాత్మకంగా రూపొందిస్తున్న 'ఆర్.ఆర్.ఆర్' సినిమా ప్రీ రిలీజ్ ఈవెంట్‌లో దుబాయ్‌లో ఎంతో గ్రాండ్‌గా నిర్వహించేదుకు ప్లాన్ చేస్తున్నారని ఈ మధ్య వార్తలు వచ్చాయి. అయితే, మేకర్స్ ఇప్పుడు ఆ ఆలోచనను విరమించుకున్నారని టాక్ వినిపిస్తోంది. ఎన్టీఆర్ - రామ్ చరణ్ హీరోలుగా అజయ్ దేవగన్ - అలియా భట్ - ఓలివియా మోరీస్ - సముద్రఖని లాంటి వారు కీలక పాత్రలో నటిస్తున్న 'ఆర్.ఆర్.ఆర్' 2022, జనవరి 7న ప్రపంచవ్యాప్తంగా భారీ స్థాయిలో రిలీజ్ కాబోతోంది.



RRR: దుబాయ్‌లో  ప్రీ రిలీజ్ ఈవెంట్ లేనట్లేనా..?

ఈ నేపథ్యంలో 'ఆర్.ఆర్.ఆర్' మూవీ ప్రమోషన్స్‌ను చాలా గ్రాండ్‌గా ప్లాన్ చేశారు రాజమౌళి. ఇందులో భాగంగా దుబాయ్‌లో భారీ ఎత్తున ప్రీ రిలీజ్ ఈవెంట్‌ను నిర్వహించాలనుకుంటే కోవిడ్ కేసుల భయంతో నిర్మాతలు ఈ ఈవెంట్‌ను క్యాన్సిల్ చేసుకున్నట్టు ఇప్పుడు సోషల్ మీడియాలో వార్తలు వస్తున్నాయి. ఇండియాలోనే పలుచోట్ల 'ఆర్.ఆర్.ఆర్' మూవీ ప్రమోషన్స్‌ను గ్రాండ్‌గా నిర్వహించేందుకు కొత్త ప్లాన్స్ వేస్తున్నట్టు తెలుస్తోంది. త్వరలో దీనిపై అఫీషియల్ కన్‌ఫర్మేషన్ రానున్నట్టు సమాచారం. కాగా, ఈ చిత్రాన్ని అగ్ర నిర్మాత డీవీవీ దానయ్య భారీ బడ్జెట్‌తో నిర్మిస్తుండగా ఎం.ఎం.కీరవాణి సంగీతం అందిస్తున్నారు.  



Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
Advertisement