Advertisement
Advertisement
Latest Telugu News
Advertisement
Published: Sun, 05 Dec 2021 12:09:05 IST

విడుదలైన అధికారిక ప్రకటన: RRB NTPC 2021 ఫలితాలు ఎప్పుడంటే..!

twitter-iconwatsapp-iconfb-icon
విడుదలైన అధికారిక ప్రకటన: RRB NTPC 2021 ఫలితాలు ఎప్పుడంటే..!

ఇంటర్‌నెట్‌డెస్క్: నాన్-టెక్నికల్ పాపులర్ కేటగిరీ (NTPC) పరీక్ష రాసిన అభ్యర్థులకు రైల్వే రిక్రూట్‌మెంట్ బోర్డ్ అదిరిపోయే గుడ్​న్యూస్​ చెప్పింది. ఎన్​టీపీసీ ప్రిలిమినరీ ఫలితాలను వచ్చే నెల 15న ప్రకటిస్తామని అధికారిక ప్రకటన విడుదల చేసింది. రైల్వే ఎన్​టీపీసీ కింద దాదాపు 35 వేల పోస్టులను భర్తీ చేసేందుకు ఆర్​ఆర్​బీ 2019లో నోటిఫికేషన్​ విడుదల చేసిన సంగతి తెలిసిందే. సుమారు కోటి మందికి పైగా అభ్యర్థులు దరఖాస్తు చేసుకున్నారు. 2020 డిసెంబర్ 28 నుంచి 2021 జూలై 31 మధ్య దశల వారీగా కంప్యూటర్ బేస్‌డ్ టెస్ట్(సీబీటీ-1)ను నిర్వహించారు. తర్వాత కొన్ని రోజులకు ప్రాథమిక కీ విడుదల చేసి అభ్యంతరాలు స్వీకరించారు. వాటిని సరిచేసి ఫైనల్​కీని కూడా విడుదల చేశారు.


ఇదిలా ఉండగా, వచ్చే నెల 15న సీబీటీ-1 ఫలితాలను విడుదల చేసేందుకు ఆర్​ఆర్​బీ సిద్దమవుతోంది. ఈ ఫలితాలను అభ్యర్థులు తమ ప్రాంతీయ రైల్వే జోన్​ వెబ్‌సైట్​ ద్వారా చెక్ చేసుకోవచ్చు. సికింద్రాబాద్ జోన్​ పరిధిలోని తెలుగు రాష్ట్రాల అభ్యర్థులు www.rrbusenderabad.nic.in వెబ్​సైట్​ ద్వారా ఫలితాలు చూసుకోవచ్చు. పరీక్షకు హాజరైన వారు రిజిస్టర్డ్ నంబర్/రోల్ నంబర్, పాస్‌వర్డ్/పుట్టిన తేదీ వంటి వివరాలతో లాగిన్ అయ్యి రిజల్ట్​ చూసుకోవచ్చు. షార్ట్​లిస్ట్​ అయిన అభ్యర్థులకు  సీబీటీ–2ను 2022, ఫిబ్రవరి 14 నుంచి 18 వరకు నిర్వహిస్తామని ఆర్‌ఆర్‌బీ తెలిపింది. అభ్యర్థులు ఏవైనా వివరాల కోసం అధికారిక వెబ్‌సైట్‌లను మాత్రమే చూడాలని, ఫేక్‌న్యూస్‌లను నమ్మి మోసపోకండి అని సూచించింది.

విడుదలైన అధికారిక ప్రకటన: RRB NTPC 2021 ఫలితాలు ఎప్పుడంటే..!


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement

జాతీయం Latest News in Teluguమరిన్ని...

క్రీడాజ్యోతిLatest News in Telugu మరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.