మంత్రులను కలిసిన రైస్ మిల్లర్స్

హైదరాబాద్: వ‌రంగ‌ల్ జిల్లా రైస్ మిల్ల‌ర్స్ అసోసియేష‌న్ బాధ్యులు రాష్ట్ర పంచాయ‌తీరాజ్ శాఖ మంత్రి ఎర్ర‌బెల్లి ద‌యాక‌ర్ రావు, పౌర‌స‌ర‌ఫ‌రాల శాఖ మంత్రి గంగుల క‌మలాక‌ర్ ని కలిశారు. హైద‌రాబాద్ లోని మంత్రుల నివాసంలో శుక్ర‌వారం మ‌ర్యాద పూర్వ‌కంగా వారు క‌లిశారు. ఈ సంద‌ర్భంగా వారు త‌మకు విధించిన ల‌క్ష్యానికి మ‌రికొద్ది బాయిల్డ్‌ రైస్ ఇవ్వాల్సి ఉంద‌ని, ఆ రైస్ ని త్వ‌ర‌లోనే ఇస్తామ‌ని చెప్పారు.

రాష్ట్రంలో ఫ‌స్ట్ క‌మ్ ఫ‌స్ట్ స‌ర్వ్ ప‌ద్ధ‌తిలో మిల్ల‌ర్ల నుండి రైస్ తీసుకుంటే, పౌర‌స‌ర‌ఫ‌రాల కార్పొరేష‌న్ పై భారం త‌గ్గి, రైస్ సేక‌ర‌ణ వేగంగా పూర్తి అవుతుంద‌ని మంత్రుల‌కు తెలిపారు. ఈ మేర‌కు ఒక విజ్ఞాప‌న ప‌త్రాన్ని వారు మంత్రుల‌కు స‌మ‌ర్పించారు. ఇందుకు మంత్రులు కూడా త‌మ సానుకూల‌త‌ను వ్య‌క్తం చేశారు. మంత్రుల‌ను క‌లిసిన వారిలో మిల్లర్స్ అసోసియేషన్ నాయకులు తోట సంప‌త్ కుమార్‌, గోనెల ర‌వింద‌ర్‌, త‌క్కెళ్ళ‌ప‌ల్లి యుగంధ‌ర్ త‌దిత‌రులు ఉన్నారు.