అనంతబాబును ఎమ్మెల్సీ పదవి నుంచి తొలగించాలి
ABN , First Publish Date - 2022-05-24T06:26:41+05:30 IST
అనంతబాబును ఎమ్మెల్సీ పదవి నుంచి తొలగించి వెంటనే అరెస్ట్‌ చేయాలని టీడీపీ రాజమహేంద్రవరం రూరల్‌ నాయకులు, ఎస్సీ సెల్‌ నాయకులు సోమవారం తహశీల్దార్‌ కార్యా లయం వద్ద ధర్నా నిర్వహించి తహశీల్దార్‌ రియాజ్‌హుస్సేన్‌కు వినతిపత్రం అందజేశారు.
ధవళేశ్వరం/రాజమహేంద్రవరం రూరల్‌, మే 23: అనంతబాబును ఎమ్మెల్సీ పదవి నుంచి తొలగించి వెంటనే అరెస్ట్‌ చేయాలని టీడీపీ రాజమహేంద్రవరం రూరల్‌ నాయకులు, ఎస్సీ సెల్‌ నాయకులు సోమవారం తహశీల్దార్‌ కార్యా లయం వద్ద ధర్నా నిర్వహించి తహశీల్దార్‌ రియాజ్‌హుస్సేన్‌కు వినతిపత్రం అందజేశారు. ఈ సందర్భంగా పార్టీ మండలాధ్యక్షుడు మచ్చేటి శివప్ర సాద్‌, ఎస్సీ సెల్‌ అధ్యక్షుడు ముచ్చి నాని, తలారి మూర్తి తదితరులు మాట్లా డుతూ వైసీపీ నాయకులు విచ్చలవిడితనంతో దళితులపై దాడులు చేసి హత్యలు చేస్తుంటే ప్రభుత్వం, పోలీసులు పట్టించుకోవడం లేదని తూతూ మంత్రంగా కేసులు నమోదు చేస్తున్నారని విమర్శించారు. మృతి చెందిన కుటుంబాన్ని ఆదుకోవాలని నిందితులను కఠినంగా శిక్షించాలని డిమాండ్‌ చేశారు. కార్యక్ర మంలో పార్టీ ధవళేశ్వరం అధ్యక్షుడు పండూరి అప్పారావు, గాలి వెంకటేశ్వర రావు, కొడమంచలి సూర్య, సౌరోజు మాణిక్యాలరావు, యర్ర మోతు ధర్మరాజు, నీలి కోటేశ్వరరావు తదితరులు పాల్గొన్నారు.
