రిస్క్ తగ్గించుకోండిలా..!
ABN , First Publish Date - 2022-01-20T05:49:41+05:30 IST
ఈ మధ్య కాలంలో రొమ్ము కేన్సర్ బారినపడే వారి సంఖ్య పెరుగుతోంది. అయితే జీవనవిధానంలో మార్పులు చేసుకోవడం
ఈ మధ్య కాలంలో రొమ్ము కేన్సర్ బారినపడే వారి సంఖ్య పెరుగుతోంది. అయితే జీవనవిధానంలో మార్పులు చేసుకోవడం, తగిన జాగ్రత్తలు తీసుకోవడం ద్వారా ఆ రిస్క్ను తగ్గించుకోవచ్చని అంటున్నారు నిపుణులు. వారు సూచిస్తున్న టిప్స్ ఇవి...
అధిక బరువు ఉన్నట్లయితే తగ్గించుకోవాలి. ఎత్తుకు తగిన బరువు ఉంటే చాలా వరకు అనారోగ్యం దరిచేరకుండా ఉంటుంది.
వేపుడు పదార్థాలు, కొవ్వు ఎక్కువగా ఉండే ఆహారం బాగా తగ్గించాలి. సీజనల్గా లభించే పండ్లు ఎక్కువగా తినాలి. కూరగాయలకు ప్రాధాన్యం ఇవ్వాలి.
వ్యాయామం దినచర్యలో భాగంగా చేసుకోవాలి. శారీరక వ్యాయామం తప్పనిసరి అని గుర్తుపెట్టుకోవాలి. రోజూ కనీసం నలభై ఐదు నిమిషాలు వ్యాయామం చేయాలి. వాకింగ్, యోగా... మీకిష్టమైనవి చేయవచ్చు.
తల్లి అయిన తరువాత బ్రెస్ట్ ఫీడింగ్ తప్పనిసరిగా కొనసాగించాలి. పాలిచ్చే తల్లుల్లో రొమ్ము కేన్సర్ రిస్క్ తక్కువ అని అధ్యయనాల్లో తేలింది.
ఠి ఒత్తిడిని తగ్గించుకోవాలి. మెడిటేషన్, ధ్యానం వంటివి చేయడం ద్వారా ఒత్తిడి నుంచి బయటపడాలి.