శ్రీసీతారామచంద్రస్వామి ఆలయ పునర్నిర్మాణం

రూ.1.80 కోట్లతో నిర్మాణ పనులు  

అనుమతించిన ప్రభుత్వం 

నల్లగొండ, జనవరి 20: జిల్లా కేం ద్రంలోని రామగిరిలో ఉన్న శ్రీ సీతారామచంద్రస్వామి ఆలయాన్ని పునర్నిర్మాణం చేపట్టాలని రాష్ట్ర ప్రభు త్వం నిర్ణయించింది. ఈ మేరకు గురువారం జీవో ఆర్టీ నెంబరు 24ను జారీ చేసింది. నల్లగొండకు చెందిన వివిధ రంగాల్లో స్థిరపడిన ఐదుగురు ప్రముఖులు ఈ దేవాలయ పునర్నిర్మాణానికి ముందుకొచ్చారు. రూ. 1.80 కోట్ల వరకు ఖర్చు అవుతుండటంతో ఈ ఖర్చంతా వారే భరించనున్నారు. ప్రభుత్వ అనుమతి కోసం దరఖాస్తు చేసుకోగా అనుమతితో పాటు జీవో కూడా ఇ చ్చింది. ఈ నిధుల ద్వారా దేవాలయంలో ఉత్తరద్వార నిర్మాణం, అద్దాల మండపం, ఆండాళ్‌ కల్యాణ మండప నిర్మాణం స్థానంలో శాశ్వత షెడ్‌ నిర్మాణం చేయనున్నారు. గోపురం నుంచి కూడా నీరు లీకవుతుండటంతో నిర్మాణాలు చేపట్టనున్నారు. ఆరు నెలల్లో ఈ ఆలయాన్ని పునర్నిర్మించాలని పేర్కొంది. ఇందుకు సంబంధించి చకిలం వేణుగోపాల్‌, పి. ప్రియాంక, కె.లక్ష్మీనారాయణ, జయప్రద, స్వామి, హన్మంతు, శ్రీనివాస్‌చారిలో కూడిన ఏడుగురు సభ్యులతో ఓ కమిటీని కూడా వేసింది.