Advertisement
Advertisement
Latest Telugu News
Advertisement

మహిళల్లో ఆ నొప్పికి ఇవీ కారణాలే!

twitter-iconwatsapp-iconfb-icon
మహిళల్లో ఆ నొప్పికి ఇవీ కారణాలే!

ఆంధ్రజ్యోతి(05-05-2022)

రొమ్ముల్లో నొప్పి అనగానే రొమ్ము కేన్సర్‌ స్ఫురించి, భయానికి లోనయ్యే మహిళలే ఎక్కువ. కానీ రొమ్ముల్లో నొప్పులకు వైద్య పరిభాషలో ‘మాస్టాల్జియా’ అనే పేరుంది. రొమ్ములకు సంబంధించిన సగం నొప్పులు ఈ కోవకే చెంది ఉంటూ ఉంటాయి. అయితే కేన్సర్‌ను మినహాయిస్తే, రొమ్ముల్లో నొప్పులకు ఐదు ప్రధాన కారణాలుంటాయి. అవేంటంటే... 


మాస్టైటిస్‌: రొమ్ముల్లో అసాధారణమైన వాపు, నొప్పి మొదలైతే బ్రెస్ట్‌ టిష్యూ ఇన్‌ఫెక్షన్‌గా భావించాలి. పాలిచ్చే తల్లుల పాల వాహికల్లో ఇన్‌ఫెక్షన్‌ తలెత్తడం మూలంగా ఈ సమస్య మొదలవుతూ ఉంటుంది. బిడ్డ నోట్లోని బ్యాక్టీరియా పాలివ్వడం ద్వారా రొమ్ముల్లోకి చేరి, మాస్టైటిస్‌ను కలిగిస్తాయి. ఈ ఇన్‌ఫెక్షన్‌ గడ్డగా మారి ఇబ్బంది పెట్టేలోగా వైద్యులను కలిసి చికిత్స తీసుకోవాలి.


ఫైబ్రోమాస్‌: రొమ్ముల్లో ఏర్పడే గడ్డలన్నీ కేన్సర్లు కావు. ఇలాంటి బినైన్‌ ట్యూమర్‌నే ఫైబ్రోమా అంటారు. 30 ఏళ్ల లోపు మహిళల్లో ఇవి సహజం. ఇవి చర్మం మీద కదులుతూ, చేతికి తగులుతూ ఉంటాయి. ఈస్ర్టోజన్‌ హార్మోన్‌ మూలంగా ఏర్పడే ఈ గడ్డలు గర్భం దాల్చినప్పుడు పరిమాణాన్ని పెంచుకుంటాయి. ఇవి అసౌకర్యంగా మారితే సర్జరీతో తొలగించుకోవచ్చు.


సిస్టులు: గడ్డల్లాంటి ఈ సిస్టులు రొమ్ము కణజాలంలో ఏర్పడతాయి. వీటిలో ద్రవాలే తప్ప, కేన్సర్‌ కారక కణాలు ఉండవు. అలా్ట్రసౌండ్‌ పరీక్షతో కనిపెట్టగలిగే ఈ సిస్టులకు ఎటువంటి చికిత్సా అవసరం లేదు. అయితే లక్షణాల తీవ్రతను బట్టి వైద్యులు అవసరమైన చికిత్సను సూచిస్తారు.


నెలసరి: నెలసరి సమయంలో రొమ్ముల సలపరం సహజం. ఈ లక్షణం ప్రీమెన్‌స్ట్రువల్‌ సిండ్రోమ్‌లో ఓ భాగం. నెలసరి సమయంలో విడుదలయ్యే ఈస్ట్రోజన్‌ హార్మోన్‌ వల్ల రొమ్ముల్లోని పాల గ్రంథులు వాచి, నొప్పి పెడతాయి. కాబట్టి భయపడవలసిన పని లేదు.

 

డైట్‌: ఉప్పు, కెఫీన్‌, అత్యధిక కొవ్వులుండే ఆహారం ఎక్కువగా తీసుకుంటున్న మహిళల్లో కూడా రొమ్ముల నొప్పి ఉంటుంది. కొందర్లో చాక్లెట్‌, వేరుసెనగలు, వాల్‌నట్స్‌, బాదం, ఇతరత్రా డ్రై ఫ్రూట్స్‌తో కూడా నొప్పి మొదలవుతుంది. కాబట్టి ఏ పదార్థాలతో సమస్య మొదలవుతుందో ఎవరికి వారు గమనించుకోవాలి. వాటిని తినడం మానుకున్నా నొప్పి వేధిస్తుంటే, వైద్యులను సంప్రతించాలి.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

స్త్రీల ఆరోగ్యంLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.