Abn logo
Jan 19 2021 @ 00:00AM

ఎలుక - మిడుత

బాగా ఏపుగా పండిన గోధుమపంట దగ్గర ఒక ఎలుక నివాసం ఏర్పరచుకుని ఉండేది. రోజు గోధుమపంటను తిని హాయిగా ఉండేది. ఒకరోజు ఎక్కడి నుంచో ఒక మిడుత అక్కడికి వచ్చి చేరింది. అది కూడా గోధుమపంటను తినడం మొదలు పెట్టింది. ఇన్నిరోజులు హాయిగా తిన్న ఎలుకకు ఇప్పుడు మిడుత వచ్చి తినడం నచ్చలేదు. పైగా రోజూ మిడుత తింటుండడంతో పంట అయిపోతుందన్న భయం పట్టుకుంది. ఎలాగైనా మిడుత పీడను వదిలించుకోవాలనుకుంది. దగ్గరలో ఉన్న చెట్టుపై నివాసం ఉంటున్న పక్షిని కలిసి సహాయం కోరింది. అందుకు పక్షి సరేనంది. మిడుత ఆహారం కోసం వచ్చినప్పుడు పక్షి వచ్చి మిడుతను తినేసింది. అదే సమయంలో కలుగులో నుంచి బయటకు వచ్చిన ఎలుకను అక్కడే మాటు వేసిన పిల్లి చంపేసింది. ఎలుకను వదిలించుకుని పంట మొత్తం తనే తినేయాలనే దురుద్దేశంతో మిడుతే ఆ పిల్లిని తీసుకొచ్చింది. పిల్లి చేతిలో ఎలుక, పక్షి చేతిలో మిడుత చనిపోయాయి. రెండు కలిసి మెలిసి ఉంటే హాయిగా పంటను తినేవి. 

Advertisement
Advertisement
Advertisement