Chitrajyothy Logo
Advertisement
Published: Fri, 19 Aug 2022 13:43:29 IST

Shamshera OTT release: నెల తిరక్కముందే ఓటీటీలోకి రణ్‌‌బీర్ కపూర్ సినిమా.. ఎక్కడంటే..

twitter-iconwatsapp-iconfb-icon

బాలీవుడ్‌లోని మంచి పాపులారిటీ ఉన్న యువనటుల్లో రణ్‌బీర్ కపూర్(Ranbir Kapoor) ఒకరు. ఈ చాక్లెట్ బోయ్ 2018లో వచ్చిన ‘సంజు’ చిత్రంలో సూపర్ హిట్ కొట్టాడు. అనంతరం దాదాపు నాలుగేళ్ల తర్వాత ఆయన నటించిన చిత్రం ‘షంషేరా (Shamshera)’. పిరియాడిక్ డ్రామాగా తెరకెక్కిన ఈ చిత్రం భారీ అంచనాల నడుమ జులై 22న విడుదలైంది. అయితే.. ఆ అంచనాలను అందుకోలేక చతికిలపడింది. దీంతో నెలకూడా గడవకముందే ఓటీటీ(OTT)లోకి వచ్చేసింది.


రణ్‌బీర్ కపూర్ మొట్టమొదటిసారి డ్యుయెల్ రోల్ పోషించిన ఈ చిత్రం ఈ రోజు (ఆగస్టు 19)న.. ప్రముఖ ఓటీటీ ఫ్లాట్‌ఫామ్ అమెజాన్ ప్రైమ్‌(Amazon prime)లో విడుదలైంది. దీనికి సంబంధించిన పోస్టర్‌ని బాలీవుడ్ బ్యూటీ, ఈ మూవీ హీరోయిన్ వాణీకపూర్ పోస్టు చేసింది. దానికి.. ‘ధైర్యసాహసాలు, సంకల్పం ఉన్న వీరోచిత కథ. ఇప్పుడే ప్రైమ్ వీడియోలో చూడండి’ అంటూ రాసుకొచ్చింది. సంజయ్‌దత్ (Sanjay Dutt) ముఖ్యపాత్రలో నటించిన ఈ మూవీ హిందీతోపాటు తెలుగు, తమిళంలోనూ అందుబాటులోకి వచ్చింది. కాగా.. రణ్‌బీర్ నటించిన మరో చిత్రం ‘బ్రహ్మస్త్రం’ సెప్టెంబర్ 9న ప్రపంచవ్యాప్తంగా విడుదల కానుంది. ఆలియాభట్ హీరోయిన్‌గా నటిస్తున్న ఆ చిత్రం హిందీతోపాటు తెలుగు, తమిళం, కన్నడ, మలయాళం భాషల్లో విడుదల కానుంది.


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
Advertisement