అన్నాచెల్లెళ్ల అనురాగానికి ప్రతీక రక్షాబంధన్
ABN , First Publish Date - 2022-08-12T06:01:21+05:30 IST
అన్నాచెల్లెళ్ల అనురాగానికి, అనుబంధానికి ప్రతీక రక్షాబంధన్ పండగ అని రాష్ట్ర పరిశ్రమలు, ఐటీ శాఖా మంత్రి గుడివాడ అమర్నాథ్ అన్నారు.
మంత్రికి రాఖీ కట్టి బొట్టు పెడుతున్న సోదరి
విశాఖపట్నం, ఆగస్టు 11 (ఆంధ్రజ్యోతి): అన్నాచెల్లెళ్ల అనురాగానికి, అనుబంధానికి ప్రతీక రక్షాబంధన్ పండగ అని రాష్ట్ర పరిశ్రమలు, ఐటీ శాఖా మంత్రి గుడివాడ అమర్నాథ్ అన్నారు. మిందిలోని తన నివాసంలో రాఖీపౌర్ణమి వేడుకలను గురువారం ఘనంగా జరుపుకున్నారు. ఈ సందర్భంగా మంత్రి సోదరి సునీత అమర్నాథ్కు రాఖీ కట్టి శుభాకాంక్షలు తెలిపారు. అన్నాచెల్లెళ్లందరికీ రాఖీ ఎంతో ప్రత్యేకమైన పండగ అని, దీనిని అందరూ ఆనందంగా జరుపుకోవాలని మంత్రి ఆకాంక్షించారు.