బైక్ మీద మరో వ్యక్తి ఉన్నా.. తెలిసిన వ్యక్తే కదా అని వెళ్లింది.. కొద్ది దూరం వెళ్లాకా వాళ్లు చేసిన పనికి 11ఏళ్ల బాలిక షాక్!
ABN , First Publish Date - 2021-10-20T16:37:58+05:30 IST
ఆ బాలిక ఇంటి బయట పక్కింటివాళ్లతో..
ఇంటర్నెట్డెస్క్: ఆ బాలిక ఇంటి బయట పక్కింటివాళ్లతో మాట్లాడుతోంది. బైక్పై స్నేహితుడితోపాటు వచ్చిన వ్యక్తి ఆ బాలికతో మాటలు కలిపాడు. బయటకు వెళ్లొద్దామంటూ.. బైక్పై ఎక్కించుకున్నాడు. కొద్దిదూరం వెళ్లాక వాళ్లు చేసిన పనికి ఆమె మైండ్ బ్లాంక్ అయ్యింది. ఈ సంఘటన రాజస్థాన్లోని జైపూర్ జిల్లాలో జరిగింది. వివరాల్లోకి వెళ్తే..
జిల్లాలోని ఓ నగరానికి చెందిన 11ఏళ్ల బాలిక ఇంటి బయట కొంతమందితో ముచ్చటిస్తోంది. మలపూర గేట్కు చెందిన రాజ్కుమార్ నగర్(22).. సంగనేర్లోని కృష్ణానగర్కు చెందిన అషు కుమార్ సింగాల్(19)తో కలిసి బైక్పై ఆ బాలిక ఉన్న ప్రాంతానికి వచ్చాడు. తెలిసిన వ్యక్తే కావడంతో రాజ్కుమార్తో ఆ బాలిక మాట్లాడింది. బయటకు వెళ్తున్నాం.. నువ్వు కూడా రా.. అంటే ఆ బాలిక సరేనని బైక్ ఎక్కింది. కొద్ది దూరం వెళ్లాకా జలానా అడవుల ప్రాంతంలో వాళ్లు చేసిన పనికి ఆ అమ్మాయి షాకైంది.
బైక్ను పక్కకు ఆపి.. అటవీ ప్రాంతంలోకి ఆ బాలికను తీసుకెళ్లారు. ఆమెపై అత్యాచారం చేసి.. తిరిగి ఇంటికి తీసుకొచ్చారు. ఆ బాలిక ఇంటికి వెళ్లిన వెంటనే తల్లికి జరిగిన విషయం మొత్తం చెప్పింది. బాలికను తీసుకుని ఆ తల్లి పోలీస్స్టేషన్కు వెళ్లింది. కేసు నమోదు చేసుకుని పోలీసులు విచారణ ప్రారంభించారు.
సంగనేర్ ఏసీపీ నేమిచంద్ మాట్లాడుతూ ఈ సంఘటన సెప్టెంబర్ 16న జరిగిందని చెప్పారు. సంఘటన జరిగిన వెంటనే తల్లీకూతరు స్టేషన్కు వచ్చి ఫిర్యాదు చేశారని, పోలీసులు నిందితుల కోసం గాలిస్తున్నారని తెలిసి పారిపోయారన్నారు. నెలనుంచి తప్పించుకుని తిరుగుతన్న నిందితులు మంగళవారం పట్టుబడ్డారని తెలిపారు. కేసు నమోదు చేసుకుని విచారిస్తున్నామన్నారు.