అది పేరులేని రైల్వే స్టేషన్... కారణమిదే!
ABN , First Publish Date - 2022-06-05T16:39:36+05:30 IST
మన దేశంలో పేరు లేని రైల్వే స్టేషన్ ఒకటుందని...
మన దేశంలో పేరు లేని రైల్వే స్టేషన్ ఒకటుందని మీకు తెలుసా? అది అసంభవం అని అనుకుంటున్నారా? కాదు అది నిజమే.. పశ్చిమ బెంగాల్లోని బుర్ద్వాన్ పరిధిలో ఈ పేరులేని రైల్వే స్టేషన్ ఉంది. ఈ రైల్వే స్టేషన్ నగరానికి 35 కిలోమీటర్ల దూరంలో రైనా అనే గ్రామంలో ఉంది. ఇది 2008లో నిర్మితమయ్యింది. అప్పటి నుండి ఈ స్టేషన్కు పేరనదే లేదు.
2008కి ముందు ఈ స్టేషన్ని రైనానగర్గా పిలిచేవారు. రెండు గ్రామాల మధ్య విభేదాలే ఈ రైల్వే స్టేషన్కు పేరు లేకపోవడానికి కారణంగా నిలిచింది. రైనా, రైనానగర్ మధ్య చాలా కాలంగా విభేదాలు కొనసాగుతున్నాయి. ఈ స్టేషన్ రైనా గ్రామపు భూభాగంలో ఉంది. అయినా దీనికి రైనానగర్ అనే పేరు పెట్టారు. దీంతో ఇరు గ్రామల మధ్య గొడవ మొదలైంది. ఈ నేపధ్యంలో రైల్వే స్టేషన్లో ఉన్న నేమ్ బోర్డును తొలగించారు. అప్పటి నుంచి ఇప్పటి వరకు ఈ స్టేషన్కు పేరనేదే లేకుండా పోయింది. అయితే ఈ స్టేషన్లో రైనానగర్ పేరుతోనే టిక్కెట్లు ఇస్తారు.