పంజాబ్ భారీ స్కోరు.. రాజస్థాన్ టార్గెట్ ఎంతంటే..

చెన్నై: ఐపీఎల్ 2021లో పంజాబ్ కింగ్స్ అదిరిపోయే ఎంట్రీ ఇచ్చింది. తొలి మ్యాచ్‌లోనే భారీ స్కోరుతో ప్రత్యర్థిపై విరుచుకుపడింది. దీంతో టోర్నీలోనే తొలిసారి 200కు పైగా స్కోరు చేసిన తొలి జట్టుగా రికార్డు సృష్టించింది. పంజాబ్ కెప్టెన్ కేఎల్ రాహుల్(91: 50 బంతుల్లో.. 7 ఫోర్లు, 5 సిక్సులు) అదరగొట్టాడు. అతడికి క్రిస్ గేల్(40: 28 బంతుల్లో.. 4 ఫోర్లు, 2 సిక్సులు)లకు తోడు దీపక్ హుడా(64: 28 బంతుల్లో.. 4 ఫోర్లు, 6 సిక్సులు) మెరుపు ఇన్నింగ్స్ తోడవడంతో పంజాబ్ స్కోరు బోర్డు మ్యాచ్ ప్రారంభం నుంచే పరుగులు పెట్టింది. రాజస్థాన్ బౌలింగ్‌ను ఊచకోత కోస్తూ రాహుల్, హుడాలు బౌండరీల వర్షం కురిపించారు. వీరి విజృంభణతో పంజాబ్ నిర్ణీత 20 ఓవర్లలో 6 వికెట్ల నష్టానికి 221 పరుగులు చేసింది. కాగా.. మరికొద్ది సేపట్లో 222 పరుగుల లక్ష్యంతో రాజస్థాన్ రాయల్స్ బరిలోకి దిగనుంది. మరి బలమైన బ్యాటింగ్ లైనప్‌తో ఉన్న రాజస్థాన్ ఇంత పెద్ద టార్గెట్‌‌ను ఛేజ్ చేస్తుందేమో చూడాలి.