పంక్చువేషన్స్తో ఫన్!
ABN , First Publish Date - 2020-04-29T06:39:15+05:30 IST
ఇండోర్ గేమ్స్తో టైం పాస్ అవుతుంది. అయితే గేమ్లోకి సబ్జెక్ట్ను కూడా తెస్తే బోలెడు ఫన్ దొరుకుతుంది. ఇంకెందుకాలస్యం... ఇలా చేయండి...
- ఇండోర్ గేమ్స్తో టైం పాస్ అవుతుంది. అయితే గేమ్లోకి సబ్జెక్ట్ను కూడా తెస్తే బోలెడు ఫన్ దొరుకుతుంది. ఇంకెందుకాలస్యం... ఇలా చేయండి.
కావలసినవి: నాలుగు ఇండెక్స్ కార్డులు
- మీకు పంక్చువేషన్ గుర్తులు తెలుసు కదా! స్కూల్లో నేర్చుకునే ఉంటా రు. ఇప్పుడు వాటితోనే గేమ్! ముందుగా ఇండెక్స్ కార్డులపై పంక్చువేషన్ గుర్తులు ఫుల్స్టాప్, కామా, ప్రశ్న గుర్తు, ఆశ్చర్యార్థకం గీయండి.
- ఒక్కో గుర్తుకు ఒక్కో విధంగా నటించాలి. ఏ గుర్తుకు ఎలా నటించాలో ముందుగానే నిర్ణయించుకోండి.
- ఫుల్స్టాప్ గుర్తు చూపిస్తే ఆగిపోవాలి. కామా గుర్తు చూపిస్తే నెమ్మదిగా నడుచుకుంటూ వెళ్లాలి. ప్రశ్న గుర్తు కనిపిస్తే ఆగి తల కిందకు దించుకోవాలి. ఆశ్చర్యార్థకం వస్తే చేతులు పైకెత్తి ఊపుతూ ఎగరాలి.
- ఆట ఆడే వ్యక్తి ఒకవైపు, మిగతా వాళ్లందరూ మరోవైపు ఉండాలి. స్టార్టింగ్ లైన్, ఎండింగ్ లైన్ గీయాలి. స్టార్టింగ్ లైన్ దగ్గర నిలుచుని, గుర్తుకు అనుగుణంగా యాక్షన్ చేస్తూ ఎండింగ్ లైన్ చేరుకోవాలి.
- ఒకవేళ మీరు చూపించిన గుర్తుకు తప్పుగా యాక్షన్ చేస్తే అతను అవుట్ అయినట్టు. తిరిగి స్టార్టింగ్ లైన్ నుంచి రావాలి. యాక్షన్ సరిగ్గా చేస్తూ ఎండింగ్ లైన్ చేరుకున్న వాళ్లు గెలిచినట్టు!