విజయవాడలో దడ పుట్టిస్తున్న సైకో

 విజయవాడ: నగరంలోని పటమట పోలీస్’స్టేషన్ పరిధిలోని అయ్యప్ప నగర్, అశోక్‌నగర్లలో ఓ సైకో దడ పుట్టిస్తున్నాడు. సంవత్సరన్నర నుంచి బెజవాడ వాసులకు ఆ సైకో కంటి మీద కునుకు లేకుండా చేస్తున్నాడు. సైకో వ్యవహారంపై పోలీసులకు ఫిర్యాదు చేసినా ఫలితం లేకపోయింది. మహిళలే టార్గెట్‌గా అర్ధరాత్రి ఇళ్ళలోకి చొరబడుతున్న ఆ సైకో వ్యక్తి ఎవరనేది అంతుబట్టని అంశంగా మారింది. ఇళ్ళలో దూరి, కిటికీ చాటున, బాత్‌రూంల మాటున నక్కి మహిళలు, యువతుల శరీర భాగాలను చూస్తూ ఆ సైకో పైశాచిక ఆనందం పొందుతున్నాడు.

 సంవత్సరన్నర నుంచి పోలీసులకు చిక్కకుండా సైకో తప్పించుకు తిరుగుతున్నాడు. నల్ల ప్యాంట్, నల్ల షర్ట్ ధరించి ముఖం కనిపించకుండా మంకీ క్యాప్ పెట్టుకుంటున్నాడు. స్థానికులు పట్టుకోవాలని చూసినా ఆ సైకో చిక్కడం లేదు. ఎవరైనా పట్టుకోడానికి ప్రయత్నిస్తే దొరక్కుండా జారి పోయేందుకు ఒంటిపై ఆయిల్ రాసుకుని అదృశ్యమవుతున్నాడు. సైకో నుంచి తమకు రక్షణ కల్పించాలంటూ ఎమ్మెల్యే గద్దె రామ్మోహన్‌ను కుటుంబ సభ్యులు ఆశ్రయించారు.