Advertisement
Advertisement
Latest Telugu News
Advertisement
Published: Sun, 17 Apr 2022 15:49:44 IST

సోషల్ మీడియా పోస్ట్‌పై ఎగసిపడిన ఆగ్రహ జ్వాలలు... 12 మంది పోలీసులకు గాయాలు...

twitter-iconwatsapp-iconfb-icon

హుబ్బళి : మసీదుపై కాషాయ జెండా ఉన్నట్లు కనిపిస్తున్న ఫొటోను ఓ వ్యక్తి సామాజిక మాధ్యమాల్లో పోస్ట్ చేయడంతో ఓ వర్గం ప్రజలు తీవ్ర ఆగ్రహం వ్యక్తం చేశారు. పాత హుబ్బళి ప్రాంతంలోని పోలీస్ స్టేషన్‌పై దాడి చేశారు. ఈ సంఘటనలో 12 మంది పోలీసులు గాయపడగా, దాదాపు ఏడు వాహనాలు ధ్వంసమయ్యాయి. 40 మంది దుండగులను పోలీసులు అరెస్టు చేశారు. 


హుబ్బళిలోని ఆనంద్ నగర్‌కు చెందిన ఓ వ్యక్తి సామాజిక మాధ్యమాల్లో పెట్టిన పోస్ట్ శనివారం రాత్రి తీవ్ర అలజడిని సృష్టించింది. మసీదుపై కాషాయ జెండా ఉన్నట్లు కనిపిస్తున్న ఫొటోను ఆ వ్యక్తి పోస్ట్ చేయడంతో పాత హుబ్బళి ప్రాంతంలోని ఓ వర్గానికి చెందినవారు పెద్ద ఎత్తున నిరసన ప్రదర్శన నిర్వహించారు. పాత హుబ్బళి పోలీస్ స్టేషన్‌ వద్ద ధర్నా నిర్వహించారు. ఈ ఫొటోను పోస్ట్ చేసిన వ్యక్తిపై ఓ ముస్లిం సంస్థ పోలీసులకు ఫిర్యాదు చేసింది. వెంటనే ఆ వ్యక్తిని పోలీసులు అరెస్టు చేశారు. అయితే ఆ వ్యక్తిని తమకు అప్పగించాలని నిరసనకారులు డిమాండ్ చేశారు. అనంతరం ఈ నిరసన హింసాత్మకంగా మారింది. దుండగులు పెద్ద పెద్ద రాళ్ళతో పోలీస్ స్టేషన్‌, వాహనాలు, ఆసుపత్రి, దేవాలయంపై దాడి చేశారు. 


మరోవైపు నిందితుని తల్లిదండ్రులు, బంధువులు పోలీస్ స్టేషన్ వద్దకు వచ్చి, పోలీసులతో వాగ్వాదానికి దిగారు. ఈ సంఘటనపై దర్యాప్తు చేస్తున్నట్లు హుబ్బళి పోలీస్ కమిషనర్ లభు రామ్ చెప్పారు. చట్టాన్ని ఎవరూ తమ చేతుల్లోకి తీసుకోరాదని చెప్పారు. పెద్ద సంఖ్యలో రాళ్ళు ఎలా వచ్చాయో తెలుసుకునేందుకు దర్యాప్తు చేస్తున్నట్లు తెలిపారు. ఈ హింసాకాండలో ధ్వంసమైన వాహనాల యజమానులు, గాయపడినవారు తమ సమీప పోలీస్ స్టేషన్లలో ఫిర్యాదు చేయవచ్చునని తెలిపారు. 


కర్ణాటక ముఖ్యమంత్రి బసవరాజ్ బొమ్మయ్ ఈ సంఘటనను తీవ్రంగా ఖండించారు. ఈ సంఘటనను రాజకీయం చేయడాన్ని తాము అనుమతించబోమని చెప్పారు. 


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.