రక్తంలోని ఆ ప్రొటీన్లతో కరోనా తీవ్రం..

లండన్‌, జూన్‌ 6 : కరోనా రోగుల్లో ఇన్ఫెక్షన్ల తీవ్రత అనేది వారి రక్తంలోని ప్రొటీన్ల స్వరూప, స్వభావాలపై ఆధారపడి ఉంటుందని బ్రిటన్‌లోని కేంబ్రిడ్జ్‌ వర్సిటీ శాస్త్రవేత్తలు అంటున్నారు. కొవిడ్‌ బారినపడిన 31 మంది రక్తంలోని ప్లాస్మాపై జరిపిన సాంకేతిక విశ్లేషణలో ఈవిషయం వెల్లడైందని తెలిపారు. వారందరి రక్తంలో 27 రకాల ప్రొటీన్లు ఉన్నట్లు గుర్తించామన్నారు. ఇవి ఎక్కువగా ఉన్న వారిలో తీవ్ర ఇన్ఫెక్షన్‌ .. తక్కువగా ఉన్నవారిలో తేలికపాటి ఇన్ఫెక్షన్‌ ఉన్నట్లు వెల్లడైందన్నారు. రక్తంలో ఉండే ఇంటర్‌ల్యూకిన్‌-6 ప్రొటీన్‌ సాధారణంగా జీవకణాల నుంచి జీవకణాలకు సందేశాలు చేరవేసే పని చేస్తుంటుందని.. కరోనా సోకినవారిలో ఇది వాపునకు కారణమవుతోందని తెలిపారు.