Advertisement
Advertisement
Latest Telugu News
Advertisement
Published: Fri, 12 Aug 2022 17:59:02 IST

శిల్పకళావేదికలో ప్రిన్స్ రామవర్మ కచేరీ

twitter-iconwatsapp-iconfb-icon
శిల్పకళావేదికలో ప్రిన్స్ రామవర్మ కచేరీ

హైదరాబాద్: ప్రముఖ సంగీతవేత్త, కర్ణాటక సంగీత గాయకులు, సరస్వతి వీణా వాద్య కళాకారులు ప్రిన్స్ రామవర్మ (Prince Rama Varma) ఆగస్టు 13వ తేదీన (శనివారం) ఒక ప్రత్యేక సంగీత కచేరీ ద్వారా శాస్త్రీయ సంగీత ప్రియులను అలరించనున్నారు. హైదరాబాదులోని శిల్పారామంలో ఉన్న ఆడిటోరియంలో ఉదయం 10 గంటల నుంచి మధ్యాహ్నం 1 గం. వరకూ జరిగే ఈ కచేరీలో వయొలిన్‌పై ఎస్ ఆర్ విను, మృదంగంపై బి హరికుమార్ ప్రిన్స్ రామవర్మకు వాద్య సహకారాన్ని అందిస్తారు. శాస్త్రీయ సంగీతానికి సంబంధించి ప్రిన్స్ రామవర్మ నిర్వహించే వర్క్‌షాప్స్‌కి హాజరవుతూ ఆయన వద్ద సంగీతం అభ్యసిస్తున్న పలువురు శిష్యులు ఆయన పుట్టినరోజు సందర్భంగా ఈ ప్రత్యేక కచేరీని ఏర్పాటు చేయడం విశేషం.


ప్రిన్స్ రామవర్మ (అశ్వతి తిరునాళ్ రామవర్మ) ట్రావెన్కోర్ రాజవంశీకులు. కర్ణాటక సంగీతంలో నిష్ణాతులుగా వెలుగొందుతున్నారు. మంచి రచయిత కూడా అయిన రామవర్మ అద్భుత ఉపన్యాసకులు, గొప్ప సంగీత ఉపాధ్యాయులు కూడా. అమెరికా, ఇంగ్లాండ్, నెదర్లాండ్స్, ఫ్రాన్స్ తదితర దేశాల నుంచి ఎందరో ఆయన నుంచి ఆన్‌లైన్ మాధ్యమంలో సంగీతం నేర్చుకుంటున్నారు, ఆయన వర్క్ షాప్స్‌కి హాజరవుతుంటారు. రామవర్మకు వర్క్ షాప్ విజార్డ్ అనే పేరుంది. హరిహర సుబ్రహ్మణ్య అయ్యర్, డాక్టర్ మంగళంపల్లి బాలమురళీ కృష్ణ, కె.ఎస్.నారాయణస్వామి వంటి ప్రముఖ సంగీత కళానిధుల నుంచి తనలోని కళకు మెరుగులు దిద్దుకున్నారు.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.