Advertisement
Advertisement
Latest Telugu News
Advertisement

అంతర పంటల ద్వారా చీడపీడల నివారణ

twitter-iconwatsapp-iconfb-icon
అంతర పంటల ద్వారా చీడపీడల నివారణసబ్బవరంలో నువ్వుల పంటను పరిశీలిస్తున్న శాస్త్రవేత్తలు

సబ్బవరం, జనవరి 28 : అంతర పంటల ద్వారా పొలంలో చీడపీడలను నివారిం చుకోవచ్చని అనకాపల్లి ప్రాంతీయ వ్యవసాయ పరిశోధన స్థానం ప్రధాన శాస్త్రవేత్త డాక్టర్‌ ఆర్‌.సరిత తెలిపారు. మండలంలోని అసకపల్లి, ఎరుకునాయుడుపాలెం గ్రామాల్లో చోడి, టమాటా, మిరప, నువ్వులు, బొబ్బర్లు పంటలను శుక్రవారం శాస్త్రవేత్తలు సందర్శించారు. ఈ సందర్భంగా వారు వరి నారుమడిలో యాజమాన్య పద్ధతుల గురించి వివరించారు. మిరప, టమాటా వంటి కూరగాయ పంటలలో బంతి మొక్కలను ఎర పంటగాను, మొక్క జొన్న, జొన్న వంటి రక్షక పంటలను పొలం చుట్టూ గట్లపై వేయడం ద్వారా చాలా వరకు తెగుళ్లును, రసం పీల్చే పురుగులను, కాయతొలిచే పురుగులను అదుపులో ఉంచవచ్చన్నారు. నువ్వులు, బొబ్బర పంటలలో తొలిదశలో ఆశించే చీడపీడల యాజమాన్య చర్యలను రైతులకు సూచించారు. కార్యక్రమంలో బీసీటీ- కృషి విజ్ఞాన కేంద్రం శాస్తవేత్తలు బండి నాగేంద్రప్రసాద్‌, తులసీలక్ష్మి, ఏవో పోతల సత్యనారాయణ, వీఏఏ అలేఖ్య, పలువురు రైతులు పాల్గొన్నారు. 

పెదగాడిలో..

పెందుర్తి రూరల్‌: సేద్యంలో జీవ నియంత్రణ పద్ధతులను పాటించడం ద్వారా పొలంలో చీడపీడలను తగ్గించవచ్చని అనకాపల్లి ప్రాంతీయ వ్యవసాయ పరిశోధనా కేంద్రం ప్రధాన శాస్త్రవేత్త డాక్టర్‌ ఆర్‌.సరిత తెలిపారు. జాగృతీ సంస్థ ఆధ్వర్యంలో పెందుర్తి గ్రామీణ మండలం పెదగాడిలో శుక్రవారం నిర్వహించిన ప్రకృతీ ఫల రైతు ఉత్పత్తిదారుల కార్యక్రమంలో ఆమె పాల్గొన్నారు. వ్యవసాయ క్షేత్రాలను పరిశీలించారు. రైతులకు పలు సూచనలు చేశారు. ఆకుకూరలు, కొబ్బరి, మామిడి తోటల పెంపకం వల్ల కలిగే లాభాలను వివరించారు. కార్యక్రమంలో శాస్త్రవేత్తలు బండి నాగేంద్రప్రసాద్‌, లక్ష్మితులసి, సీఈవో ప్రవీణ్‌కుమార్‌ పాల్గొన్నారు.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.