Abn logo
Jun 5 2020 @ 18:21PM

మెక్సికోలో వెల్లువెత్తిన నిరసనలు.. పోలీసు అధికారికి నిప్పంటించిన దుండగుడు..!

మెక్సికో: మెక్సికో‌లో నిరసనకారులు చెలరేగిపోయారు. ఓ పోలీసు అధికారికి నిప్పంటించారు. అయితే తోటి పోలీసు అధికారులు.. స్థానికులు అప్రమత్తమవ్వడంతో సదరు పోలీసు అధికారి ప్రాణాలతో బయటపడ్డాడు. పూర్తి వివరాల్లోకి వెళితే.. జార్జి ఫ్లాయిడ్ ఉదంతంపై అమెరికా సహా ప్రపంచ వ్యాప్తంగా నిరసనలు వ్యక్తం అవుతున్నాయి. జార్జి ఫ్లాయిడ్‌ను హత్య చేసిన పోలీసు అధికారులను కఠినంగా శిక్షించాలంటూ నినాదాలు చేస్తున్నారు. ఈ క్రమంలో మెక్సికో‌లో పోలీసులు ఓ వ్యక్తిపట్ల కిరాతకంగా వ్యవహరించారు. కరోనా నేపథ్యంలో మాస్క్ ధరించలేదనే కారణంతో జియోవన్నీ లోపేజ్ అనే 30ఏళ్ల కార్మికుడిని పోలీసులు ఈ నెల 3న కొట్టిచంపారు. ఈ ఘటనతో మెక్సికో వ్యాప్తంగా నిరసనలు వెల్లవెత్తాయి. అయితే కొన్ని చోట్ల ఈ నిరసనలు హింసాత్మకంగా మారాయి. మెక్సికో‌ రెండవ అతిపెద్ద నగరమైన గ్వాడలజరాలో.. నిరసనలు అదుపు చేయడానికి వెళ్లిన పోలీసు అధికారులపై ఆందోళనకారులు చెలరేగిపోయారు. ముఖానికి మాస్క్ ధరించి.. నల్లటి కళ్లద్దాలు పెట్టుకున్న ఓ నిరసనకారుడు.. పోలీసు అధికారికి నిప్పంటించాడు. దీంతో అప్రమత్తమైన ఇతర పోలీసు అధికారులు, స్థానికులు.. వెంటనే మంటలను అదుపులోకి తెచ్చారు. ఈ ఘటనకు సంబంధించిన దృశ్యాలను కొందరకు వీడియో తీసి.. సోషల్ మీడియాలో పోస్ట్ చేయడంతో ప్రస్తుతం అది వైరల్‌గా మారింది.


Advertisement
Advertisement
Advertisement