Instagram Reel తెచ్చిన తంటా.. సరదాగా ఫ్రెండ్స్‌తో కలిసి వీడియో చేస్తే దూల తీర్చేసిన పోలీసులు..!
ABN , First Publish Date - 2022-07-01T00:24:59+05:30 IST
సోషల్ మీడియాలో పాపులర్ అవ్వాలనే ఉద్దేశంతో యువకులు వివిధ రకాలుగా ప్రయత్నిస్తుంటారు. ఫేస్‌బుక్, ట్విట్టర్, ఇన్‌స్టాగ్రాం తదితర వేదికల ద్వారా వివిధ వీడియోలను షేర్ చేస్తుంటారు. ఈ క్రమంలో కొందరు తక్కువ కాల వ్యవధిలోనే...
సోషల్ మీడియాలో పాపులర్ అవ్వాలనే ఉద్దేశంతో యువకులు వివిధ రకాలుగా ప్రయత్నిస్తుంటారు. ఫేస్‌బుక్, ట్విట్టర్, ఇన్‌స్టాగ్రాం తదితర వేదికల ద్వారా వివిధ వీడియోలను షేర్ చేస్తుంటారు. ఈ క్రమంలో కొందరు తక్కువ కాల వ్యవధిలోనే ఫేమస్ అయితే.. మరికొందరి ప్రయత్నాలు ఆదిలోనే బెడిసికొడుతుంటాయి. ప్రస్తుతం వైరల్ అవుతున్న వీడియోలో ఇలాంటి ఘటనే చోటు చేసుకుంది. కొందరు యువకులు కలిసి సరదాగా వీడియో తీసుకున్నారు. Instagram Reelలో షేర్ చేయడంతో చివరకు పోలీసుల దృష్టికి వెళ్లింది.
కేరళలోని ఇడుక్కి ప్రాంతంలో ఈ ఘటన చోటు చేసుకుంది. బీబీఏ సెకండ్ ఇయర్ చదువుతున్న ఐదుగురు విద్యార్థులు కలిసి Instagramలో వీడియోలు చేస్తుంటారు. ఈ క్రమంలో వినూత్నంగా వీడియోలు చేసి, ఫేమస్ అవ్వాలని నిర్ణయించుకున్నారు. ఐదుగురు యువకులు కలిసి ఒకే స్కూటర్‌పై ఒకరి వెనుక ఒకరు కూర్చుని.. డ్యాన్స్ చేస్తూ ప్రమాదకర స్థితిలో డ్రైవింగ్ చేశారు. అనంతరం వీడియోను Instagram ఖాతాలో షేర్ చేశారు. వీడియో వైరల్ అవడంతో పోలీసుల వరకు వెళ్లింది. వారిలో ముగ్గురు యువకుల లైసెన్స్‌ను 3నెలల పాటు సస్పెండ్ చేసి, రూ.2,000 జరిమానా విధించారు. అలాగే మెడికల్ కళాశాలలో రెండు రోజుల పాటు సామాజిక సేవ చేయాలని ఆదేశించారు. విద్యార్థుల తల్లిదండ్రులను పిలిపించి, కౌన్సెలింగ్ ఇచ్చారు. ఈ వీడియో ప్రస్తుతం సోషల్ మీడియాలో తెగ చక్కర్లు కొడుతోంది. దీనిపై నెటిజన్లు వివిధ రకాలుగా కామెంట్లు పెడుతున్నారు.
