Messi-Ramos: ఏళ్లుగా ప్రత్యర్థులు.. ఇప్పుడు ఇలా..
ABN , First Publish Date - 2021-08-13T09:10:16+05:30 IST
ఫుట్‌బాల్‌ ప్రపంచంలో వాళ్లిద్దరూ ఏళ్లుగా ప్రత్యర్థులు. ఒకరికొకరు ప్రత్యర్థులుగా ఎన్నోసార్లు మైదానంలో నువ్వా-నేనా అంటూ తలపడ్డారు. అయితే తాజాగా..
ఫుట్‌బాల్‌ ప్రపంచంలో వాళ్లిద్దరూ ఏళ్లుగా ప్రత్యర్థులు. ఒకరికొకరు ప్రత్యర్థులుగా ఎన్నోసార్లు మైదానంలో నువ్వా-నేనా అంటూ తలపడ్డారు. అయితే తాజాగా నవ్వుతూ ఒకే జెర్సీలో వీరిద్దరూ కెమెరాకు చిక్కడంతో అభిమానుల ఆనందానికి అవధుల్లేకుండా ఉంది. ఇంతకీ ఆ ఆటగాళ్లెవరో తెలుసా..? ఫుట్ బాల్ స్టార్స్.. లియోనల్ మెస్సీ, సర్జియో రామోస్. రెండు దశాబ్దాలుగా తాను ఆడుతున్న బార్సిలోనా క్లబ్‌కు ఇటీవల మెస్సీ గుడ్ బై చెప్పిన విషయం తెలిసిందే. ఇక మరోపక్క రామోస్ రియల్ మాడ్రిడ్‌ క్లబ్‌కు వీడ్కోలు చెప్పాడు.
వీరిద్దరూ తాజాగా పీఎస్‌జీ క్లబ్‌లో చేరారు. దీంతో వీరిద్దరూ స్నేహపూర్వకంగా కలుసుకున్న ఫోటోలు ఇప్పుడు సోషల్ మీడియాలో వైరల్ అవుతున్నాయి. ఒకరినొకరు ఆలింగనం చేసుకోవడం, నవ్వుతూ మాట్లడుకోవడం అభిమానులను కన్నులపండువగా ఉంది. దీనిపై నెటిజన్లు రకరకాలుగా స్పందిస్తున్నారు. దీనికోసమే తాము ఎదురు చూస్తున్నామని ఓ నెటిజన్ కామెంట్ చేయగా.. వాళ్లిద్దరూ ప్రత్యర్థులే కానీ, శత్రువులు కాదని మరో యూజర్ కామెంట్ చేశాడు.
