ముఖ వర్చస్సుకు బొప్పాయి ప్యాక్!
ABN , First Publish Date - 2020-09-10T05:30:00+05:30 IST
చర్మం నిగారింపు సంతరించుకునేలా చేయడంలో బొప్పాయి బాగా ఉపయోగపడుతుంది. బొప్పాయిని ఫేస్ప్యాక్లుగా తయారుచేసుకుని వాడితే ముఖారవిందం పెరుగుతుంది...
చర్మం నిగారింపు సంతరించుకునేలా చేయడంలో బొప్పాయి బాగా ఉపయోగపడుతుంది. బొప్పాయిని ఫేస్ప్యాక్లుగా తయారుచేసుకుని వాడితే ముఖారవిందం పెరుగుతుంది.
- కొన్ని బొప్పాయి ముక్కలను తీసుకుని గుజ్జుగా చేసి ఒకటేబుల్ స్పూన్ తేనె, పాలు పోసి బాగా కలపాలి. ఈ మిశ్రమాన్ని ముఖానికి, మెడకు పట్టించాలి. 20 నిమిషాల పాటు అలా వదిలేసి తరువాత చల్లని నీటితో కడగాలి. ఇది పొడి చర్మం ఉన్న వారికి మాయిశ్చరైజర్గా పనిచేస్తుంది.
- బొప్పాయి గుజ్జులో ఒక టేబుల్స్పూన్ తేనె, ఒక టేబుల్ స్పూన్ గంధం వేసి బాగా కలియబెట్టి ముఖానికి, మెడకు అప్లై చేయాలి. పావుగంట తరువాత చల్లని నీటితో శుభ్రం చేసుకుంటే అందం రెట్టింపవుతుంది.
- బొప్పాయి గుజ్జులో ముల్తానీ మట్టిని కలిపి ముఖానికి పట్టించాలి. ఈ మిశ్రమం ఆరిన తరువాత చల్లని నీటితో కడిగేసుకుంటే తేడా స్పష్టంగా కనిపిస్తుంది. ముల్తానీ మట్టి ముఖంపై ఉన్న అదనపు ఆయిల్ను గ్రహిస్తుంది. బొప్పాయి మృదుత్వాన్ని అందిస్తుంది. ఆయిల్ స్కిన్ ఉన్న వారు, మొటిమలతో బాధపడుతున్న వారు ఈ ప్యాక్ను ఉపయోగించడం వల్ల మంచి ఫలితం ఉంటుంది.
- బొప్పాయిని గుజ్జుగా చేసుకుని అందులో రెండు టేబుల్ స్పూన్ల అలొవెరా జెల్ను కలిపి ముఖానికి, మెడకు పట్టించాలి. పావుగంట తరువాత చల్లని నీటితో శుభ్రం చేసుకోవాలి. ఈ ప్యాక్ జిడ్డును కంట్రోల్ చేయడమే కాకుండా చర్మం పొడిబారకుండా చూస్తుంది.
- బొప్పాయి గుజ్జులో పది చుక్కల నిమ్మరసం వేసి బాగా కలియబెట్టి ముఖానికి ప్యాక్ మాదిరిగా వేసుకోవాలి. పదినిమిషాల తరువాత నీటితో శుభ్రం చేసుకోవాలి. ఇలా తరచుగా చేయడం వల్ల ముఖంపై నల్లమచ్చలు కనుమరుగైపోతాయి.