ఒమైక్రాన్ లక్ష్యంగా ప్రత్యేక వ్యాక్సిన్
ABN , First Publish Date - 2022-02-08T06:58:34+05:30 IST
కరోనా కొత్త వేరియంట్ ఒమైక్రాన్పై పనిచేయగల కొవిడ్ వ్యాక్సిన్ను అభివృద్ధి చేసేందుకు కసరత్తు చేస్తున్న సీరం ఇన్స్టిట్యూట్ ఆఫ్ ఇండియా మరో అడుగు ముందుకు వేయనుంది..
‘సీరమ్’కు డీసీజీఐ పచ్చజెండా.. ప్రయోగాల కోసం ఉత్పత్తి
న్యూఢిల్లీ, ఫిబ్రవరి 7: కరోనా కొత్త వేరియంట్ ఒమైక్రాన్పై పనిచేయగల కొవిడ్ వ్యాక్సిన్ను అభివృద్ధి చేసేందుకు కసరత్తు చేస్తున్న సీరం ఇన్స్టిట్యూట్ ఆఫ్ ఇండియా మరో అడుగు ముందుకు వేయనుంది. ప్రయోగ పరీక్షలు, విశ్లేషణ అవసరాల కోసం ఈ ప్రత్యేక టీకాను ఉత్పత్తి చేసేందుకు అనుమతులు కోరుతూ ‘సీరం’ సమర్పించిన దరఖాస్తుపై డ్రగ్స్ కంట్రోలర్ జనరల్ ఆఫ్ ఇండియా (డీసీజీఐ) ఆమోదముద్ర వేసింది. ఇందుకు సంబంధించిన లైసెన్సులు మంజూరు చేసింది. ఒమైక్రాన్ వేరియంట్ లక్ష్యంగా తీసుకొచ్చే ఈ ప్రత్యేక కొవిడ్ వ్యాక్సిన్ను సాంకేతిక పరిభాషలో ‘రీకాంబినంట్ స్పైక్ ప్రొటీన్ (ఆర్ఎస్) నానో పార్టికల్ వ్యాక్సిన్’గా పిలుస్తారు. దీని అభివృద్ధి కోసం అమెరికా కంపెనీ నోవావ్యాక్స్తో ‘సీరం’ జట్టుకట్టింది.