Chitrajyothy Logo
Advertisement
Published: Sun, 05 Jun 2022 12:17:53 IST

రాజసం..సౌందర్యం..

twitter-iconwatsapp-iconfb-icon

రాజసాన్ని చాటుతూ నటరత్న ఎన్టీ రామారావు, ఆయన సరసన వెలిగిపోతున్న భానుమతి. 4 డిసెంబర్‌ 1964న విడుదలైన ‘బొబ్బిలియుద్ధం’లోనిది ఈ స్టిల్‌. విజయనగరం నుంచి వచ్చిన సీతారామ్‌ నిర్మించిన ఈ చిత్రంలో రంగనాయుడిగా ఎన్టీఆర్‌, ఆయన సరసన మల్లమదేవిగా భానుమతి నటించారు. వీరిద్దరి కాంబినేషన్‌లో వచ్చిన ‘మల్లీశ్వరి’ గొప్ప మ్యూజికల్‌ హిట్‌ కావడంతో ఆ చిత్ర సంగీత దర్శకుడైన సాలూరి రాజేశ్వరరావునే ఈ చిత్రానికీ ఎన్నుకున్నారు దర్శక నిర్మాత. ఇందులో నందమూరి తారక రామారావు, భానుమతిలపై చిత్రీకరించిన ‘ఊయలలూగినదోయి మనసే’ పాట ఆ రోజుల్లో బాగా పాపులర్‌. ఈ పాటలో ఎన్టీఆర్‌ రూపంలోని రాజసమూ, భానుమతి గాత్రంలోని మాధుర్యమూ ‘నువ్వా నేనా’ అన్నట్లు పోటీపడ్డాయి. ఈ చిత్ర నిర్మాణానికి ఆ రోజుల్లో ఐదు లక్షల రూపాయల వ్యయం అయ్యింది. సినిమా విడుదలైన రెండువారాల్లోనే పెట్టిన పెట్టుబడి వచ్చేసింది. విశేషమేమిటంటే తెలుగు నేలపై నడిచిన రెండు ప్రధాన యుద్ధాలు ‘పల్నాటియుద్ధం’, ‘బొబ్బిలియుద్ధం’ తెరకెక్కాయి. ఈ రెండు చిత్రాల్లోనూ ఎన్టీఆర్‌, భానుమతీ నాయికా నాయకులుగా నటించి చరిత్రలో నిలిచిపోయారు. 

- డా.కంపల్లె రవిచంద్రన్‌, 98487 20478

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
Advertisement