టీకాతో వంధ్యత్వం రాదు.. ఆరోగ్య మంత్రిత్వ శాఖ

ABN , First Publish Date - 2021-06-22T04:04:08+05:30 IST

కరోనా టీకాతో పురుషుల్లో లేదా మహిళల్లో వంధ్యత్వం వస్తుందనే చెప్పే శాస్త్రపరమైన ఆధారాలేవీ లేవని కేంద్ర ఆరోగ్య మంత్రిత్వ శాఖ మరోసారి స్పష్టం చేసింది.

టీకాతో వంధ్యత్వం రాదు.. ఆరోగ్య మంత్రిత్వ శాఖ

న్యూఢిల్లీ: కరోనా టీకాతో పురుషుల్లో లేదా మహిళల్లో వంధ్యత్వం వస్తుందని చెప్పే శాస్త్రపరమైన ఆధారాలేవీ లేవని కేంద్ర ఆరోగ్య మంత్రిత్వ శాఖ మరోసారి స్పష్టం చేసింది. ఇటువంటి అసత్యప్రచారాలు వదంతులు పోలియో టీకా కార్యక్రమంలోనూ వెలుగుచూసిన విషయాన్ని ప్రస్తావించింది. టీకాలు సురక్షితమైనవే కాకుండా వ్యాధిని నిరోధించడంలో మంచి ప్రభావం కనబరుస్తాయని కూడా కేంద్రం ఆరోగ్య మంత్రిత్వ శాఖ స్పష్టం చేసింది. ఇప్పుడు అందుబాటులో ఉన్న టీకాల ప్రభావాలను జంతువుల్లో పరీక్షించి ప్రమాదం లేదని తేల్చాకే మార్కెట్‌లోకి విడుదలైన విషయాన్నీ పేర్కొంది. వ్యాక్సినేషన్‌పై ఏర్పాటైన నిపుణులు కమిటీ కూడా గతంలో ఇదే సూచన చేసింది. బిడ్డకు పాలిచ్చే తల్లులు కూడా కరోనా టీకా తీసుకోవచ్చని, ఈ విషయంలో ఎటువంటి అనవసర భయాలకు తావు లేదని స్పష్టం చేసింది. 

Updated Date - 2021-06-22T04:04:08+05:30 IST