Advertisement
Advertisement
Latest Telugu News
Advertisement

పుట్టిన 5 గంటలకే పసిపాపను వాటర్ ట్యాంకులో పారేశారు.. ఆ NRI దంపతులు వెతుక్కుంటూ వచ్చి మరీ..

twitter-iconwatsapp-iconfb-icon
పుట్టిన 5 గంటలకే పసిపాపను వాటర్ ట్యాంకులో పారేశారు.. ఆ NRI దంపతులు వెతుక్కుంటూ వచ్చి మరీ..

న్యూఢిల్లీ: ఆడపిల్లను పెంచడం భారం అనుకుందో లేక  మరేదైనా కారణమో రాజస్థాన్‌కు చెందిన ఓ తల్లి సంచలన నిర్ణయం తీసుకుంది. పేగు తెంచుకుని పుట్టిన కూతురిని.. గంటల వ్యవధిలోనే వాటర్ ట్యాంకులో పడేసి అక్కడి నుంచి వెళ్లిపోయింది. అయితే అదృష్టం కొద్దీ ప్రాణాలతో బయటపడ్డ ఆ రెండేళ్ల చిన్నారి ప్రస్తుతం విదేశాలకు వెళ్లేందుకు రెడీ అవుతోంది. ఈ క్రమంలోనే తాజాగా పాస్‌పోర్టును కూడా పొందింది. పూర్తి వివరాల్లోకి వెళితే..


అమ్మ కడుపు నుంచి భూమ్మీదికొచ్చిన 5 గంటల్లోనే వాటర్ ట్యాంక్‌లోకి చేరిన చిన్నారిని కొందరు స్థానికులు గుర్తించి అధికారులకు సమాచారం అందించారు. దీంతో  అక్కడకు చేరుకున్న అధికారులు.. పాపకు వైద్య పరీక్షలు పూర్తైన తర్వాత అనాథాశ్రమంలో చేర్చారు. ఈ క్రమంలో అక్కడి సిబ్బంది ఆ చిన్నారికి అన్షుల్‌గా నామకరణం చేశారు. దత్తత కోసం ఆన్‌లైన్‌లో రిజిస్టర్ చేశారు. ఈ నేపథ్యంలోనే మధ్యప్రదేశ్‌లోని జబల్‌పూర్ ప్రాంతానికి చెందిన ఎన్నారై దంపతులుకు అన్షుల్‌కు సంబంధించిన సమాచారం లభించింది. దీంతో రాజస్థాన్‌కు వెళ్లి, పాపను ప్రత్యక్షంగా చూశారు. అనంతరం ఆ బోసినవ్వుల చిన్నారిని దత్తత తీసుకునేందుకు ఓకే చెప్పారు. ఈ క్రమంలో స్టేట్ ఎక్స్‌పర్ట్ అడాప్షన్ ఏజెన్సీ ద్వారా అధికారులు దత్తత ప్రక్రియను సెప్టెంబర్ 2న పూర్తి చేశారు. 


అంతేకాకుండా ఆ ఎన్నారై దంపతులు పాపను యూఏఈకి తీసుకెళ్లేందుకు వీలుగా.. పాస్‌పోర్ట్ ప్రక్రియను కూడా పూర్తి చేశారు. ఈ క్రమంలోనే సెప్టెంబర్ 20న ఓ కార్యక్రమాన్ని ఏర్పాటు చేసి , కార్మికశాఖ సహాయ మంత్రి, అల్వార్ కలెక్టర్ చేతుల మీదుగా అన్షుల్ పాస్‌పోర్టును ఎన్నారై దంపతులకు అందజేశారు. కాగా.. వీసా ప్రక్రియ ముగిసిన వెంటనే అన్షుల్.. ఆ దంపతుల వెంట అబుధాబి వెళ్లనుంది. ఈ క్రమంలో స్పందించిన అధికారులు.. ఎన్నారై దంపతులు ఆన్‌లైన్ ద్వారా దత్తత కోసం నమోదు చేసుకున్నారని.. ఆ ప్రక్రియ పూర్తవ్వడానికి సుమారు రెండేళ్ల సమయం పట్టిందని వెల్లడించారు. పాప యోగక్షేమలపై మరో రెండేళ్ల వరకు స్టేట్ ఎక్స్‌పర్ట్ అడాప్షన్ ఏజెన్సీ ఆరా తీసుస్తుందని తెలిపారు. 


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.