Jun 18 2021 @ 01:47AM

పుట్టినరోజున కొత్త సినిమా

తమిళనాట మళ్లీ షూటింగ్స్‌ సందడి మొదలుకానుంది. సెట్‌ మీదకు మళ్లీ తమ సినిమాలను తీసుకురావడానికి నిర్మాతలు సన్నాహాలు ప్రారంభించారు. హీరో విజయ్‌ నటిస్తున్న 65వ చిత్రం రెండో షెడ్యూల్‌ ప్రారంభించడానికి ఏర్పాట్లు మొదలయ్యాయి. ఈ చిత్రం తొలి షెడ్యూల్‌ జార్జియాలో జరిగింది. రెండో షెడ్యూల్‌ ప్రారంభించడానికి కరోనా వైరస్‌ అడ్డం పడింది. ఈ సినిమా కోసం చెన్నైలో భారీ మాల్‌ సెట్‌ వేస్తున్నారు. పూజా హెగ్డే కథానాయికగా నటించే ఈ చిత్రానికి నెల్సన్‌ దిలీ్‌పకుమార్‌ దర్శకత్వం వహిస్తున్నారు. ఇదిలా ఉంటే ఈ నెల 22న విజయ్‌ పుట్టినరోజు. ఆ సందర్భంగా ఆయన కొత్త చిత్రాన్ని అధికారికంగా ప్రకటించే అవకాశాలు ఉన్నాయని అంటున్నారు. వంశీ పైడిపల్లి దర్శకత్వంలో దిల్‌ రాజు ఈ చిత్రాన్ని నిర్మిస్తారు.