Oman: ఎమర్జెన్సీ సమయాల్లో సాయం కోసం కొత్త యాప్
ABN , First Publish Date - 2022-06-22T15:30:00+05:30 IST
ఒమన్ పౌర రక్షణ, అంబులెన్స్ అథారిటీ(CDAA).. పౌరులు, నివాసితులు అత్యవసర పరిస్థితుల సమయంలో సహాయం పొందేందుకుగాను నిడా(NIDA), కాల్(CALL) అనే కోడ్నేమ్లతో యాప్ను ప్రారంభించింది.
మస్కట్: ఒమన్ పౌర రక్షణ, అంబులెన్స్ అథారిటీ(CDAA).. పౌరులు, నివాసితులు అత్యవసర పరిస్థితుల సమయంలో సహాయం పొందేందుకుగాను నిడా(NIDA), కాల్(CALL) అనే కోడ్నేమ్లతో యాప్ను ప్రారంభించింది. అత్యవసర సమయాల్లో SOS సిస్టమ్ ద్వారా బటన్ నొక్కడం ద్వారా ఎమర్జెన్సీ సర్వీస్ అధికారులకు సమాచారం ఇవ్వడంతో పాటు అంబులెన్స్ను కూడా పిలవొచ్చు. ఈ ఫీచర్ మూగవారు, వినికిడి లోపం ఉన్నవారిని దృష్టిలో పెట్టుకుని తీసుకువచ్చినట్లు సంబంధిత అధికారులు వెల్లడించారు. ప్రమాదాలు, ఫైర్ యాక్సిడెంట్స్, నదులు-చెరువులలో మునిగిపోయే సంఘటనలతో సహా ఇతర అత్యవసర పరిస్థితుల సమయాల్లో ఈ యాప్ ద్వారా ఎమర్జెన్సీ సర్వీసులను కాంటాక్ట్ చేయవచ్చని తెలిపారు. ప్రభుత్వం చేపట్టిన ఈ సహాయక చర్య పట్ల నివాసితులు, దేశ పౌరులు హర్షం వ్యక్తం చేస్తున్నారు. ఇది చాలా ఉపయోగకరమైన సర్వీస్గా వారు పేర్కొంటున్నారు.