Chitrajyothy Logo
Advertisement
Published: Wed, 17 Aug 2022 15:08:17 IST

Karthikeya 2: ఆ రెండు సినిమాలను తీసేయండి.. ‘కార్తికేయ-2’కు థియేటర్లు ఇవ్వండంటూ నెటిజన్స్ డిమాండ్

twitter-iconwatsapp-iconfb-icon

హీరో నిఖిల్ సిద్దార్థ్ (Nikhil Siddharth) గతంలో నటించిన చిత్రం ‘కార్తికేయ’ (Karthikeya). తాజాగా ఈ సినిమాకు సీక్వెల్ ‘కార్తికేయ-2’ (Karthikeya 2) రూపొందింది. చందు మొండేటి దర్శకత్వం దర్శకత్వం వహించాడు. అనుపమ పరమేశ్వరన్, అనుపమ్ ఖేర్, శ్రీనివాస్ రెడ్డి, వైవా హర్ష కీలక పాత్రలు పోషించారు. పాన్ ఇండియాగా తెరకెక్కిన ఈ మూవీ ప్రపంచవ్యాప్తంగా ఆగస్టు 13న విడుదలైంది. ఫస్ట్ డే ఫస్ట్ షో నుంచే ఈ సినిమాకు అభిమానుల మన్ననలతో పాటు విమర్శకుల ప్రశంసలు కూడా దక్కాయి. ఈ చిత్రం తెలుగు రాష్ట్రాల్లో సంచలన విజయం సాధించింది. మూవీని కొనుగోలు చేసిన డిస్ట్రిబ్యూటర్స్‌కు నాలుగు రోజుల్లోనే లాభాలను పంచడం మొదలుపెట్టింది. బాలీవుడ్‌ బాక్సాఫీస్ వద్ద సైతం ‘కార్తికేయ-2’ హిందీ వెర్షన్ భారీ వసూళ్లను రాబడుతుంది. 


హిందీ బెల్ట్‌లో ‘కార్తికేయ-2’కు సంబంధించి తొలిరోజు 50షోస్‌ను ప్రదర్శించారు. ప్రేక్షకుల నుంచి మంచి ఆదరణ లభించడంతో డిస్ట్రిబ్యూటర్స్ ఆ షోస్‌ను క్రమంగా పెంచడం మొదలుపెట్టారు. ఫలితంగా ఐదు రోజుల్లోనే షోస్ సంఖ్య 1575కు చేరింది. సినిమా విడుదలైన తొలి రోజు రూ. 7లక్షల వసూళ్లను రాబట్టగా, మూడో రోజు నాటికి ఆ వసూళ్లు రూ. 1.43కోట్లకు చేరాయి. బాలీవుడ్‌లో ఆగస్టు 11న రెండు భారీ బడ్జెట్ చిత్రాలు ‘లాల్ సింగ్ చడ్డా’ (Laal Singh Chaddha), ‘రక్షా బంధన్’ (Raksha Bandhan) విడుదలయ్యాయి. ఈ రెండు సినిమాలు ప్రేక్షకులను ఆకట్టుకోలేకపోయాయి. ‘కార్తికేయ’ హిందీ వెర్షన్‌ బాక్సాఫీస్ వద్ద హౌస్‌ఫుల్ బోర్డులతో దూసుకుపోతుంది. అయినప్పటికీ, అన్ని ప్రాంతాల్లోని థియేటర్స్‌లో ఈ చిత్రాన్ని ప్రదర్శించడం లేదు. ఫలితంగా కొంత మంది ప్రేక్షకులు ఆ రెండు సినిమాలను తొలగించి ‘కార్తికేయ‌-2’ కు థియేటర్స్ ఇవ్వాలని డిమాండ్ చేస్తున్నారు. సోషల్ మీడియాలో మల్టీప్లెక్స్ సంస్థలను ట్యాగ్ చేస్తూ వరుస పోస్ట్‌లు పెడుతున్నారు.


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

BollywoodLatest Telugu Cinema Newsమరిన్ని...

Advertisement
Advertisement