Chitrajyothy Logo
Advertisement
Published: Sun, 03 Jul 2022 17:55:44 IST

RRR ను ప్రశంసించిన నెట్‌ఫ్లిక్స్ సీఈవో Ted Sarandos.. ఏమన్నాడంటే..

twitter-iconwatsapp-iconfb-icon

జూనియర్ ఎన్టీఆర్ (Junior NTR), రామ్ చరణ్(Ram Charan) హీరోలుగా నటించిన సినిమా ‘ఆర్‌ఆర్‌ఆర్’ (RRR). దర్శక ధీరుడు యస్‌యస్. రాజమౌళి (SS Rajamouli) తెరకెక్కించారు. ఈ చిత్రంలో అజయ్ దేవగణ్ (Ajay Devgan), ఆలియా భట్ (Alia Bhatt), ఒలివియా మోరిస్(Olivia Morris) కీలక పాత్రలు పోషించారు. ప్రపంచవ్యాప్తంగా ఈ మూవీ మార్చి 25న విడుదలైంది. రూ.1100కోట్ల భారీ వసూళ్లను రాబట్టింది. ‘ఆర్‌ఆర్‌ఆర్’ హిందీ వెర్షన్ నెట్‌ఫ్లిక్స్‌లో మే 20నుంచి స్ట్రీమింగ్ అవుతుంది. ఈ సినిమా డిజిటల్ ప్లాట్‌ఫాంలో అందుబాటులోకి వచ్చిన నాటి నుంచి విదేశీ ప్రేక్షకులు విపరీతంగా ఆదరిస్తున్నారు. అనేక మంది సెలబ్రిటీలు ఈ సినిమాను పొగిడారు. తాజాగా నెట్‌ప్లిక్స్ సీఈవో టెడ్ సరండోస్ (Ted Sarandos) ఈ చిత్రాన్ని ప్రశంసించారు. 


‘ఆర్ఆర్‌ఆర్’ సినిమాను పొగుడుతూ టెడ్ సరండోస్ ఫేస్‌బుక్ పేజీలో పోస్ట్ పెట్టారు. ‘‘నెట్‌ఫ్లిక్స్‌లో ‘ఆర్‌ఆర్‌ఆర్’ ను ఇప్పటికి వరకు చూడకపోతే తప్పకుండా వీక్షించండి. ఈ ఏడాది మీరు చూడబోయే అద్భుతమైన సినిమాల్లో ఇది ఒకటి. ‘ఆర్‌ఆర్‌ఆర్’ హిందీ వెర్షన్ ఇంగ్లీష్ సబ్ టైటిల్స్‌తో అందుబాటులో ఉంది. ఈ చిత్రం తప్పకుండా మిమ్మల్ని అలరిస్తుంది’’ అని టెడ్ పోస్ట్ పెట్టారు. రోలింగ్ స్టోన్ మ్యాగజైన్ ఈ సినిమా రివ్యూను ప్రచురించింది. ‘‘2022లో వచ్చిన అద్భుతమైన బ్లాక్‌బాస్టర్ ‘ఆర్ఆర్‌ఆర్’. ప్రస్తుతం నెట్‌ఫ్లిక్స్‌లో స్ట్రీమ్ అవుతోంది’’ అని ఆ మ్యాగజైన్ పేర్కొంది. రోలింగ్ స్టోన్ రివ్యూను కూడా టెడ్ ఫేస్ బుక్ పేజీలో షేర్ చేశాడు. ‘ఆర్‌ఆర్‌ఆర్’ విడుదలై 100రోజుల పూర్తి చేసుకుంది. ఈ నేపథ్యంలో చిత్ర బృందం సోషల్ మీడియా వేదికగా ఓ పోస్టర్‌ను అభిమానులతో పంచుకుంది.

RRR ను ప్రశంసించిన నెట్‌ఫ్లిక్స్ సీఈవో Ted Sarandos.. ఏమన్నాడంటే..


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
Advertisement