భారత సంతతి మహిళకు అరుదైన గౌరవం.. UBS గ్రూప్‌లో కీలక పదవి!
ABN , First Publish Date - 2022-07-17T18:24:23+05:30 IST
ఇండియన్ అమెరికన్, ప్రముఖ ఆర్థికవేత్త నౌరీన్ హసన్‌కు అరుదైన గౌరవం దక్కింది. స్విట్జర్లాండ్‌‌కు చెందిన యూబీఎస్ అమెరికాస్ ప్రెసిడెంట్‌‌గా ఆమె నియమితులయ్యారు. ఈ విషయాన్ని యూబీఎస్ అమెరికాస్.. ఓ ప్రకటనలో తెలిపింది. యూబీఎస్ అమెరికా
ఎన్నారై డెస్క్: ఇండియన్ అమెరికన్, ప్రముఖ ఆర్థికవేత్త నౌరీన్ హసన్(Naureen Hassan)కు అరుదైన గౌరవం దక్కింది. స్విట్జర్లాండ్‌‌కు చెందిన యూబీఎస్ అమెరికాస్ (UBS Americas) ప్రెసిడెంట్‌‌గా ఆమె నియమితులయ్యారు. ఈ విషయాన్ని యూబీఎస్ అమెరికాస్.. ఓ ప్రకటనలో తెలిపింది. యూబీఎస్ అమెరికాస్ హోల్డింగ్ సీఈవోగా కూడా ఆమె పని చేస్తారని వెల్లడించింది. కాగా.. ప్రస్తుతం ఆమె.. ఫెడరల్ రిజర్వ్ బ్యాంక్ ఆఫ్ న్యూయార్క్ వైస్ ప్రెసిడెంట్, చీఫ్ ఆపరేటింగ్ ఆఫీసర్‌గా విధులు నిర్వర్తిస్తున్నారు. ఈ ఏడాది అక్టోబర్‌లో ఆమె బాధ్యతలు స్వీకరించనున్నారు. ఇదిలా ఉంటే.. హసన్ ప్రిన్స్‌టన్ యూనివర్సిటీలో బీఏ పూర్తి చేశారు. అనంతరం స్టాన్‌ఫోర్డ్ యూనివర్సిటీలో ఎంబీఏ పట్టా పొందారు.
