యూఎస్ వేలంలో 1799 నాటి Napoleons Sword ధర ఎంత పలికిందంటే...
ABN , First Publish Date - 2021-12-08T13:30:56+05:30 IST
నెపోలియన్ బోనపార్టే 1799లో తిరుగుబాటు చేసినప్పుడు తీసుకెళ్లిన కత్తి,అతని ఐదు తుపాకులు వేలంలో 2.8 మిలియన్ డాలర్లకు అమ్ముడయ్యాయని యూఎస్ వేలందారులు...
న్యూయార్క్: నెపోలియన్ బోనపార్టే 1799లో తిరుగుబాటు చేసినప్పుడు తీసుకెళ్లిన కత్తి,అతని ఐదు తుపాకులు వేలంలో 2.8 మిలియన్ డాలర్లకు అమ్ముడయ్యాయని యూఎస్ వేలందారులు తాజాగా ప్రకటించారు.ఇల్లినాయిస్కు చెందిన రాక్ ఐలాండ్ వేలం కంపెనీ అమ్మకానికి ఉంచిన లాట్ను కొనుగోలుదారుకు ఫోన్ ద్వారా విక్రయించినట్లు కంపెనీ అధ్యక్షుడు కెవిన్ హొగన్ తెలిపారు.ఖడ్గం,ఆభరణాలున్న ఐదు పిస్టల్ల విలువ ప్రారంభంలో 1.5 మిలియన్ డాలర్ల నుండి 3.5 మిలియన్ డాలర్ల వరకు ఉండేది.వెర్సైల్స్లోని రాష్ట్ర ఆయుధ కర్మాగారానికి డైరెక్టర్గా ఉన్న నికోలస్-నోయెల్ బౌటెట్ ఈ ఆయుధాలను తయారు చేశారు.
చక్రవర్తిగా పట్టాభిషిక్తుడైన తర్వాత నెపోలియన్ ఖడ్గాన్ని జనరల్ జీన్-అండోచే జునోట్కి అందించాడని చెపుతారు. అయితే జనరల్ భార్య తరువాత అప్పులు తీర్చడానికి దానిని అమ్మవలసి వచ్చింది.మే నెలలో ఫ్రాన్స్ నెపోలియన్ మరణ ద్విశతాబ్ది వేడుకలు జరిగిన నేపథ్యంలో ఆయన వాడిన కత్తికి రికార్డు స్థాయిలో ధర పలికింది.