Advertisement
Advertisement
Latest Telugu News
Advertisement

నేడు అమెరికాకు మోదీ

twitter-iconwatsapp-iconfb-icon

24న జో బైడెన్‌తో సమావేశం

న్యూఢిల్లీ, సెప్టెంబరు 21: ప్రధాని మోదీ 5 రోజుల పర్యటన నిమిత్తం బుధవారం అమెరికా వెళ్లనున్నారు. ఆ దేశ ఉపాధ్యక్షురాలు కమలా హ్యారిస్‌ గురువారం వాషింగ్టన్‌లో మోదీని కలుస్తారని శ్వేతసౌధం ప్రకటించింది. అమెరికా అధ్యక్షుడు జో బైడెన్‌తో మోదీ ఈ నెల 24న వాషింగ్టన్‌లో సమావేశమవుతారని భారత విదేశాంగ శాఖ కార్యదర్శి హర్షవర్ధన్‌ శృంగ్లామంగళవారం మీడియాకు తెలిపారు. అమెరికాతో భారత ద్వైపాక్షిక సత్సంబంధాలను మరింత బలోపేతం చేయడం, పెట్టుబడులు, రక్షణ రంగాలు, అఫ్ఘానిస్థాన్‌లోని పరిస్థితులు, ఉగ్రవాద నిరోధం, ఇండో-పసిఫిక్‌, వాతావరణ మార్పులు వంటి అంశాలపై మోదీ, బైడెన్‌ చర్చలు జరపనున్నారు. అలాగే, ఈ నెల 24నే వాషింగ్టన్‌లో చతుర్భుజ భద్రతా కూటమి(ఆస్ట్రేలియా, భారత్‌, జపాన్‌, అమెరికా కూటమి) సదస్సులోనూ మోదీ పాల్గొంటారు. ఈ నెల 25న న్యూయార్క్‌లో ఐక్యరాజ్య సమితి సర్వసభ్య సమావేశంలోనూ ఆయన ప్రసంగిస్తారు. మోదీ తిరిగి భారత్‌కు ఆదివారం వస్తారని హర్షవర్ధన్‌ శృంగ్లా చెప్పారు.


మెక్రోన్‌తో ఫోన్లో మాట్లాడిన మోదీ

భారత ప్రధాని మోదీ, ఫ్రెంచి అధ్యక్షుడు ఇమ్మానుయెల్‌ మెక్రోన్‌ ఇండో-పసిఫిక్‌ ప్రాంతంలో సహకారం గురించి మంగళవారం చర్చించడం ఆసక్తికరంగా మారింది. ఇరువురు నేతలు ఫోన్‌లో ఇండో-పసిఫిక్‌తో పాటు అఫ్ఘానిస్థాన్‌ సంక్షోభంపైనా చర్చించారని మెక్రోన్‌ కార్యాలయం తెలిపింది.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.