సింగరేణి బొగ్గుగని ప్రమాద ఘటనపై మంత్రి కొప్పుల తీవ్ర దిగ్ర్భాంతి
ABN , First Publish Date - 2021-11-11T00:42:35+05:30 IST
సింగరేణి బొగ్గు గనిలో చోటుచేసుకున్న ప్రమాదంలో నలుగురు కార్మికులు మృతి చెందడం పట్ల మంత్రి కొప్పులఈశ్వర్ తీవ్ర దిగ్ర్భాంతి వ్యక్తం చేశారు.
కరీంనగర్: సింగరేణి బొగ్గు గనిలో చోటుచేసుకున్న ప్రమాదంలో నలుగురు కార్మికులు మృతి చెందడం పట్ల మంత్రి కొప్పులఈశ్వర్ తీవ్ర దిగ్ర్భాంతి వ్యక్తం చేశారు.మంచిర్యాలలోని శ్రీరాంపూర్ ఏరియా ఎస్ఆర్పీ-3 బొగ్గు గని పై కప్పు కూలింది. అక్కడ విధులు నిర్వహిస్తున్న నలుగురు కార్మికులు మరణించారు. ఈ ఘటన పై షెడ్యూల్డ్ కులాల అభివృద్ధి శాఖ మంత్రి కొప్పుల ఈశ్వర్ ఒక ప్రకటనలో తీవ్ర సంతాపం ప్రకటించారు. మృతి చెందిన కార్మికుల కుటుంబసభ్యులు, బంధుమిత్రులకు మంత్రి తన ప్రగాఢ సానుభూతి తెలిపారు. కార్మిక కుటుంబాలను ప్రభుత్వం అన్ని విధాలా ఆదుకుంటుందన్నారు.
