కేసిఆర్ సర్కార్ అన్ని కులాలను సమానంగా చూస్తుంది:Gangula

కరీంనగర్: దళిత సమాజానికి ముఖ్యమంత్రి కేసీఆర్ ఆత్మగౌరవంతో పాటు ఆర్థిక స్వావలంబనను అందిస్తున్నారని రాష్ట్ర బీసీ సంక్షేమ, పౌరసరఫరాల శాఖ మంత్రి గంగుల కమలాకర్(gangula kamalakar) అన్నారు.ఆదివారం కరీంనగర్ లో దళిత బందు(dalita bandhu) లబ్ధిదారు యూనిట్ గ్రౌండింగ్ కార్యక్రమంలో పాల్గొన్నారు. నగరానికి చెందిన దళిత కుటుంబానికి మంజూరైన దళిత బంధు పథకంతో తీసుకున్న కారును ప్రారంభించారు. అనంతరం బొమ్మకల్ గ్రామం వద్ద బీరప్ప ఆలయంలో ప్రత్యేక పూజలు నిర్వహించారు.

ఈసందర్భంగా మంత్రి గంగుల స్థానికులతో కలిసి ఆలయ అభివృద్ధి కార్యక్రమాల్లో పాల్గొన్నారు. కేసిఆర్ సర్కార్ అన్ని కులాలు, మతాలను సమ భావంతో చూస్తూ ఆదరిస్తుందని తెలిపారు. నగరంలో ప్రతి పనిని చిత్తశుద్ధితో అభివృద్ధి చేసుకుందామన్నారు.ఈ కార్యక్రమాల్లో స్థానికులు, లబ్ధిదారులతో పాటు పలువురు నేతలు పాల్గొన్నారు.