ఉగ్రవాదుల్ని పట్టించే మైక్రోకాప్టర్‌!
ABN , First Publish Date - 2021-01-14T07:25:52+05:30 IST
ఇళ్లలో, మారుమూల చోట్ల నక్కిన ముష్కరులను పట్టించే మైక్రోకాప్టర్‌ను భారత సైనికాధికారి లెఫ్టినెంట్‌ కల్నల్‌ జీవైకే రెడ్డి రూపొందించారు.
అభివృద్ధి చేసిన భారత సైనికాధికారి
న్యూఢిల్లీ, జనవరి 13: ఇళ్లలో, మారుమూల చోట్ల నక్కిన ముష్కరులను పట్టించే మైక్రోకాప్టర్‌ను భారత సైనికాధికారి లెఫ్టినెంట్‌ కల్నల్‌ జీవైకే రెడ్డి రూపొందించారు. అతి చిన్న డ్రోన్‌లా ఉండే ఈ కాప్టర్‌కు సంబంధించిన ప్రయోగాలను జమ్మూకశ్మీర్‌లోని పారా స్పెషల్‌ ఫోర్సెస్‌ బెటాలియన్‌ విజయవంతంగా పూర్తి చేసినట్లు సమాచారం. మరి కొన్ని మార్పుల అనంతరం సరిహద్దు వెంబడి వినియోగించేందుకు గాను సైన్యం ఒప్పందం చేసుకున్నట్లు తెలుస్తోంది. మైక్రోకాప్టర్‌కు 2గంటల పాటు, 4500 మీటర్ల ఎత్తులో నిరంతరాయంగా ఎగిరే సామర్థ్యం ఉండటం గమనార్హం.
