కొత్త మోడల్‌లో Mi స్మార్ట్‌ఫోన్..

న్యూఢిల్లీ: ప్రముఖ స్మార్ట్‌ఫోన్ల తయారీ సంస్థ షియోమి సబ్-బ్రాండ్ ఎంఐ తమ వినియోగదారులను ఆకట్టుకునేందుకు సరికొత్త మోడల్‌లో స్మార్ట్‌ఫోన్లను అందుబాటులోకి తీసుకొస్తోంది. చైనా మార్కెట్‌లో ఎంఐ మిక్స్ 4 స్మార్ట్‌ఫోన్లను విడుదల చేసినట్లు సంస్థ పేర్కొంది. 8జీబీ ర్యామ్, 128జీబీ స్టోరేజ్ వేరియంట్ ఎంఐ మిక్స్ 4 స్మార్ట్‌ఫోన్ రూ. 57,400, 8జీబీ ర్యామ్, 256 జీబీ స్టోరేజ్ వేరియంట్ మోడల్ ఎంఐ మిక్స్ 4 స్మార్ట్‌ఫోన్ రూ. 60,800, 12జీబీ ర్యామ్, 256జీబీ స్టోరేజ్ వేరియంట్ మోడల్ ఎంఐ మిక్స్ 4 స్మార్ట్‌ఫోన్ రూ.66,600, 12జీబీ ర్యామ్, 512జీబీ స్టోరేజ్ వేరియంట్ మోడల్ ఎంఐ మిక్స్ 4 స్మార్ట్‌ఫోన్ రూ. 72,300 ఉంటుందని కంపెనీ తెలిపింది.