మెంటల్ ఆస్పత్రిలో 16 ఏళ్ల బాలిక గర్బవతి.. తండ్రి ఎవరో ఎలా తెలిసిందంటే..

ఒక మెంటల్ ఆస్పత్రిలో మానసికంగా వికలాంగురాలైన ఒక 16 ఏళ్ల బాలిక కడుపు నొప్పితో బాధపడుతోంది. ఆమెను పరీక్షించిని డాక్టర్లు ఆమె గర్బవతి అని తెలిసి షాకయ్యారు. ఆ బాలికకు ఇలాంటి స్థితికి తీసుకొచ్చిన వ్యక్తి ఎవరని తెలియక పోలీసులకు సమాచారం అందించారు. పోలీసులు ఈ మిస్టరీని ఎలా ఛేదించారంటే..

వివరాల్లోకి వెళితే.. దేశ రాజధాని ఢిల్లీలోని వసంత్ కుంజ్ ప్రాంతంలో ఉధ్యాన్ కేర్ అనే ఒక మెంటల్ హాస్పిటల్ ఉంది. ఆ ఆస్పత్రిలో ఒక మానసిక వికలాంగురాలైన 16 ఏళ్ల బాలిక తీవ్ర కడుపునొప్పితో బాధపడుతుండగా.. వైద్యులు ఆమెను పరీక్షించి గర్భవతి అని చెప్పారు. దీంతో ఆస్పత్రి యాజమాన్యం బాలిక గర్భం గురించి పోలీసులకు ఫిర్యాదు చేశారు.

పోలీసులు ఆ బాలిక ముందు ఆస్పత్రిలో పనిచేసే పరుషులందరినీ నిలబెట్టారు. ఆ బాలిక వారందరిలో ఒక సెక్యూరిటీ గార్డుని చూసి భయపడింది. ఆ గార్డు తనని రోజూ గదిలో తీసుకెళ్లి నగ్నం చేసి కొట్టేవాడని చెప్పింది. దీంతో పోలీసులు ఆ సెక్యూరిటీ గార్డుని అరెస్టు చేసి రిమాండ్‌కు తరలించారు. ఆ గార్డుకి డిఎన్‌ఏ పరీక్షలు నిర్వహిస్తామని పోలీసులు తెలిపారు. అతడు ఇలాగే ఆస్పత్రిలో మానసిక వికలాంగులైన స్త్రీలపై అత్యాచారాలు చేశాడా అనే కోణంలో దర్యాప్తు చేస్తున్నామని చెప్పారు.