అద్దెకు ఎద్దులు

సాగులో కొత్తపోకడ

వ్యవసాయంలో పనిముట్లు, యంత్రాలను అద్దెకు తీసుకోవడం సాధారణమైన విషయం.. ఇందుకు భిన్నంగా కేసముద్రం మండలం ఉప్పరపల్లిలో మాత్రం మంచాల కుమారస్వామి అనే రైతు ఏకంగా రెండు ఎడ్లను ఏడాదిపాటు అద్దెకు తీసుకున్నాడు. గంగారం మండలంలోని ఒకరి నుంచి రెండు ఎడ్లను వచ్చే ఉగాది వరకు రూ.10వేల అద్దె చెల్లించే విధంగా ఒప్పందం చేసుకొని తెచ్చాడు. కుమారస్వామి రెండెకరాల్లో మిర్చి సాగు చేయనున్నాడు. మిర్చిలో కలుపునివారణకు ‘పాటు చేయడం’ కోసం నాగలి, ఎడ్లకు ఎకరాకు రూ.1500 చొప్పున రూ.3వేలు కూలీ అవుతోంది. ఇలా పదిసార్లు చేయాల్సి ఉండడంతో ఏకంగా ఎడ్లనే అద్దెకు తెచ్చాడు. ఎడ్లను అద్దెకు తీసుకురావడం వింతగా ఉందని పలువురు రైతులు ఆశ్చర్యం వ్యక్తం చేస్తున్నారు. 

- కేసముద్రం