రాష్ట్రం పేరేమిటో చెప్పగలరా?
ABN , First Publish Date - 2020-05-06T05:30:00+05:30 IST
ఆట సరదాగా, మెదడుకు పదును పెట్టేలా ఉండాలి. సాధారణ అంశాలను తీసుకొని, గేమ్గా మలిస్తే భలేగా ఉంటుంది. అలాందిదే ఈ ఆట. ఇంకెందుకాలస్యం...
ఆట సరదాగా, మెదడుకు పదును పెట్టేలా ఉండాలి. సాధారణ అంశాలను తీసుకొని, గేమ్గా మలిస్తే భలేగా ఉంటుంది. అలాందిదే ఈ ఆట. ఇంకెందుకాలస్యం... ఈ రోజు ట్రై చేయండి.
- ఇండియా మ్యాప్ తీసుకోండి. మీ పాఠ్యపుస్తకాల్లో మ్యాప్ దొరుకుతుంది. నెట్ నుంచి డౌన్లోడ్ చేసుకుని ప్రింట్ తీసుకోవచ్చు. ఇంట్లో వేలాడదీసిన పెద్ద పటం ఉంటే ఇంకా మంచిది.
- రాష్ట్రం పేరు తెలుసుకోవడానికి పది ప్రశ్నలు అడగాలి. వాటి సమాధానాల ఆధారంగా రాష్ట్రం పేరు ఊహించి చెప్పాల్సి ఉంటుంది.
- ఉదాహరణకు సిక్కిం రాష్ట్రం ఎంపిక చేశారనుకుందాం. అప్పుడు ఆట ఆడుతున్న వ్యక్తి రాష్ట్రం పేరు తెలుసుకోవడానికి రకరకాల ప్రశ్నలు వేస్తుండాలి. ఇతరులు అవును/కాదు అని మాత్రమే సమాధానం చెప్పాలి.
- మొదటి ప్రశ్న: అది ఈశాన్య రాష్ట్రమా? జవాబు: అవును.
- రెండో ప్రశ్న: బంగ్లాదేశ్తో సరిహద్దును కలిగి ఉందా? జవాబు: కాదు.
- మూడో ప్రశ్న: ఆ రాష్ట్రం నేపాల్తో సరిహద్దును కలిగి ఉంటుందా? జవాబు: అవును. ఇలా పది ప్రశ్నల వరకు అడగొచ్చు.
- సమాధానాల ఆధారంగా రాష్ట్రం పేరు చెప్పాలి. సమాధానం కరెక్ట్గా చెబితే గెలిచినట్టు. అదికూడా పది ప్రశ్నలు మాత్రమే అడిగి చెప్పాల్సి ఉంటుంది.
- ఈ ఆటతో సమయం సరదాగా గడిచిపోవడంతో పాటు రాష్ట్రాలు, వాటికి సంబంధించిన సరిహద్దులు, ఇతర అంశాలపై అవగాహన ఏర్పడుతుంది.